Pa’no ba???

May dalawang oras na yata akong nakatitig lang sa laptop

Hanggang ngayon e blankong e-mail

Kung may lakas lang sana ako ng loob na sabihin lahat-lahat sayo.

Ang mga bagay na laman ng isip ko

At itong pesteng sakit nararamdaman ng puso ko.

(shit!!!ang corny ko naman ata)

e-mail na nga lang, naduduwag parin ako.

Pa’no ko ba masasabi sayo’ng,

“psssttt, mahal na mahal kita”

Pero bukod dyan, gusto ko sanang sabihin na

“sige na talo na ko. Mahal kita kahit di mo ko pinapansin

O kaya may mahal kang iba?

Pero masakit pala…

At higit pa yon sa inaasahan ko.

Sobrang mahal kita. Noon, hanggang ngayon.”

Pa’no ko ba masasabi sayo to ngayon?

Siguro nga kailangan ko pa gugulin ang buong buhay ko

Para lang makalimutan ka.

Pa’no na ako mabubuhay ng Masaya?

Hindi ako bulag o tanga.

Walang kinalaman ang mga mata ko

Kung ga’no kita ka-mahal.

Bakit, nakikita ba ng mata ang puso ko?

Pano nya malalaman kung sino ang tanging nilalaman nito?

At lalong walang kasalanan ang utak ko.

Nag-iisip lang yan.

Malay ba nyan kung ga’no kasakit

Na malapit ka pero daig ko pa ang ibinato hanggang ibang planeta

Sa sobrang layo ng puso mo sa puso ko….

Pa’no ba????