Bago pa ako mautal
Bago pa man maumid ang aking dila
Ay sasabihin ko na sa 'yong
Mahal na mahal kita.
Malaon na rin kasing
Kinikimkim itong pag-ibig
Kaya't ibubulalas ko na
Bago pa sumabog ang dibdib.
Heto nga't aalpas na rin
Mula sa matinding takot at kaba
Hindi na kayang pigilin
Bilangong pag-ibig ay lalaya na rin.
Ang tanging hiling ko lang sa 'yo
Ay bigyan mo ng pag-asa ito
Iyong diligin upang lumago
At magbunga diyan sa 'yong puso.
Subalit kung ayaw mo
Ay mabuti pang kitilin mo ito
Mabuti pang ang pag-ibig ko'y
Nananatiling bilango.
Walang komento:
Mag-post ng isang Komento
Tandaan: Ang mga kasapi lamang ng blog na ito ang maaaring mag-post ng komento.