Dear future wife,

Ang blog na ito ay pumipitik pitik pa kahit medyo naghihingalo na!

Aaminin ko medyo hindi na ako gaanong nag-uupdate ng blog ko kumpara dati.

Asan ka na ba? Hanap ako ng hanap, hindi kita makita. Pinagtataguan mo ba ko? O dahil lang sa dark shades na suot ko kaya hindi kita makita at madilim ang paningin ko? :))




Your Future Husband
Hindi naman sa nagrereklamo ako, nakakainip lang kasi maghanap at maghintay. hihihi. Nakakasawa ng matulog sa bawat gabing malamig at wala akong katabi sa kama. Bukod sa nangangalay na ang kamay ko (left and right), namimiss ko na yung feeling na may kayakap at kafrench kiss ako. LOL.

Madali lang naman sa akin makipagtrade ng laway at magbasketball sa 'court' ng iba, pero iba pa rin yung feeling na ginagawa mo yun sa babaeng gusto mong makasama habangbuhay di ba?



Future Wife
Gusto ko ng magkaanak. Gusto ko ng magkaroon ng mini-me, kung pwede nga lang magkaroon tayo ng kambal. Yung tipong mga anak ni Aga at Charlene. Pero gusto ko yung healthy twins, wag yung magkadikit ang ulo.

Sa katunayan, excited na nga sina Nanay at Tatay na magkaroon ng apo sakin. At mas excited naman akong isakatuparan ang pangarap nilang yun. Haha.

Pag naging asawa na kita, hindi mo pagsisisihan. Mamahalin ko kayo ng mga magiging anak ko habang nabubuhay ako. Ibibigay ko lahat ng pangangailangan nyo. Hinding-hindi kita pagbubuhatan ng kamay. Hindi kita sasaktan. Bagkus, sa ibang paraan ka lang masasaktan pag ako ang iyong minahal. (Ibulong ko sa'yo kung ano yun pag nagkita tayo!)

Marunong naman akong magluto kahit papano. Tutulungan din kitang maglaba pag napapagod ka na. Ako mag-aalaga sa'yo at sa mga anak natin kapag nagkakasakit kayo. Ako ang tutulong sa inyo sa pagbuo ng mga pangarap nyo. Magiging cool husband and Tatay ako at siguradong magiging happy family tayo.

Hindi man ako mayaman tulad ng mga Ayala o Cojuangco, o kasing talino nina Einstein o Galileo, pero isa lang ang maipapangako ko: mabibigyan kita ng magandang lahi, yan ay sigurado.

Nasaan ka, Elisa?

Miss na kita
Alam mo ba?

Minsan kala ko
nakalimutan na kita…
Minsan gusto kong
magpakalasing wag ka lang isipin…

Hindi ko alam
kung ano meron ka,
At sa lahat ng bagay
naroon ka…
Di ko man naisin
na mamiss kita,
pero un ang tutuo…
miss kita
kahit di ko alam kung nasan ka…

Babalik ako

Babalik uli ako sa pagboblogging kahit na medyo busy pa ako sa mga taping ko!
Namiss ko kayo...pramis yun! Walang stir....walang kataehan...at walang kaplastikan...wala talaga! wala!

Ngayong inalis na ang billboard ko sa may EDSA....Ano naman ang malaswa kung litaw ang singit ko? Maputi naman! TAMA KA! ako ngay yung nakabrief lang.... ako yun!Pramis Myembro ako ng "Philippine RUGBY........ BOYS" yung sinisinghot sa may plaza ng Nabua!hahha! Syet..KORNI!

Basta babalik ako..... ....... PWAMIS!!

Ingat po!

Balik eskwela

1. Sa lahat daw ng naging kaklase natin, meron daw isang taong hindi natin makakalimutan. Kahit na umabot pa ng mahabang panahon, sya pa rin ang lagi nating naalala. Sya yung taong halos lahat ng buong klase pati mga guro natin alam nila kung sino yun. Naintriga kayo kung sino sya?Well tyak kilala nyo sya ,kasi sya yung kaklase mong……… dyaran………….. natae sa school. Tyak naalala nyo na yung pangalan ng kaklase nyo na yun ngayon (at tyak nabibilaukan na rin yun). Kalimitang sa mga natataeng estudyante na ito ay ang pinakatahimik sa klase at ayaw umalis sa upuan nya, kasi naka epoxy na ang pwet nya dahil sa tae. Buti naman at hindi ako ang natae na yan, pero katabi ko sya. Orlando ang pangalan nya (nasa row 2 sya nun). Tandang tanda ko nun, akala ko mabaho lang talaga ang hininga ko, yun pala nagpasabog na pala sya ng bioweapon sa tabi ko daig pa ang lindol intensity 8 sa lakas ng aftershocks ng amoy (dumidikit sa balat). At dahil sa kanyang krimen na ginawa, nag-umepal tuloy ang titser ko nung greyd wan, dahil napagdesisyunan nilang magpagawa ng C.R. At dahil ako ang Presidente ng aming klase eh awtomatiko na tatay ko ang pagpapagawa ng C.R. Kaya kung mapupunta sa eswelahan naming eh nakaukit na ang pangalan namin ng tatay ko sa indoro hehehehe! Nakalagay “Donated by Aldrino at Tatay ni Aldrino”!!!Wow sosyal na sosyal! Yan ang malaking kontribusyon ko sa school namin noon.

2. Ako ang dakilang tagalista ng mga maiingay sa klase namin noong grey por pa ako. Nagtataka nga ako sa titser ko kasi ako yata ang pinakamadaldal sa klase pero sa akin binigay ang paglilista ng maiingay. Sa bawat lista ko ay piso ang katumbas nun, syempre kahit hindi maingay yung mga kaklase ko, gumagawa ako ng ikaiingay nila. At gagawin ko ilalabas ko ang bago kong pencil case na may piano. Syempre manghang mangha ang mga timawa kong kaklase dahil nun lang sila nakakita nun (wala kasi sa bundok nila yun eh). Habang kinakalikot nila ang pencil case ko, sabay sulat ko na ng mga pangalan nila. Hehehe! Nakarami din ako nun. Heto na kamo ang twist dyan, dahil nga nakarami na ako ng lista at marami na rin akong naipon, pakiramdam ko noon eh akin yung perang nakolekta ko, kaya nagfefeeling mayaman ako. Kada uwi ko sa bahay lagi akong may nguya-nguyang chippy o di kaya bagong laruan. Takang taka ang nanay ko nun kasi maliit lang naman ang baon ko pero ang dami kong pera, kaya ang press release ko sa kanya eh napulot ko lang yun (chippy napulot??). Nung kukunin na ng titser ko yung nakolektang kong pera. Ang ginawa ko umatungal ako sa harap nya at sinabi “nanakawan ako”. Hindi ako tumigil kakaiyak hanggat hindi ko napapabilib ang titser ko. Sa huli lusot din ako at pinarusahan yung kaklase kong lagi kong inililista kasi sya ang napagbintangang nagnakaw ng pera.(kawawa naman)

3. Nakatapos ako ng college na hindi nag-aaral. BSMT ang course ko, at sympre puro MATH din yun. Nakakatawang isipin na sa apat na taon ko sa maritime (kasama pa dyan ang 3 na summer classes) eh wala akong sariling calculator. Eh hindi dahil sa wala akong calculator pero kasi iniiwanan ko na lang sa bahay dahil mas kailangan yun ng nanay ko sa pagkukwenta nya ng mga utang namin. Sosyal ang nanay kasi gusto nya scientific pa. (Grabe gumagamit pa si nanay dun ng square root, cosine, x to the nth power). Kaya ako pagkatapo mag-kompyut ng katabi ko eh nakaabang na ako dun at makikikompyut din. Sanay na ako dun, kaya iwas na iwas naman sa akin ang mga katabi ko . Pero sa huli, nakakapasa pa rin ako (sila bagsak, belat…). Utakan lang yan. Wala din akong notebook, wala din akong ballpen. Lahat yun hinihiram ko lang sa kaklase ko, ang tangi ko lang dala eh yung bag kong puro basura lang ang laman.


4. Noong nag-aaral na ako ng kolehiyo, syempre medyo mapusok na mapusok ka pa (in short malibog hehehe). Ako ang dakilang tagahiram ng mga VCD/DVD ng mga bold movies ng aking mapupusok na mga barkada (eh alam nyo na ang equivalent ng mapusok di ba?). Syempre manghihiram na nga lang ako eh dinamihan ko na rin ! Mga pito siguro yung nahiram ko! Mistula akong bumbay na pwedeng magtinda sa Quiapo ng mga VCD/DVD. Okay na sana kasi sa bag ng kaklase ko naman nilalagay yun, sa secret pocket ng bag nya. Pero nung minsan nagkaroon ng nakawan sa aming klasrum, (ninakawan yung prof ko), eh nagkaroon ng inspeksyon ng mga bag. Medyo kampante pa ako kasi sa secret pocket ng bag ng kaklase yun nakalagay, pero ang nagulat na lang ako ng magtitili ang prof ko (babae yung prof ko), at iwinagayway na parang watawat ang mga VCD collection ko. Hayun dahil sa kanya, nasira ang “wholesome” image ng kaklase kong si Servando, at tinawag na syang manyak ng mga siraulong kaklase ko. Hindi naalis yun hanggang ngayon.

5. Marami akong bagsak noong college ako, dahil sa aking angking KATAMARAN. Hindi ako nagrereview basta kung ano pumasok sa utak ko yun lang. Kung ang mga kaklase ko napupuyat kakareview, ako hindi, sarap na sarap ang pagtulog ko. Nung minsang sinubukan kong magreview sa kwarto, isang sentence palang nagparamdam na yung mata ko at nagyaya na ring humiga ang katawan ko kaya nakisama na rin ako sa kanila! Kaya nga hindi ko na rin kinaya ang pagpapanggap at natulog talaga ako to the maximum level, kahit pa Finals namin kinabukasan. Ang sarap palang matulog pag nagpupumilit kang magreview. Heto pa kapag nagtuturo naman ang mga prof kong kapatid ni Lola Basyang, ang ginagawa ko pasimple akong nakikinig sa aking CD player sa kabilang tenga. Kaya kahit paano eh naeenjoy ko rin naman ang klase kahit ubod sa boring ang tinuturo nya. Madalas din akong umupo sa likod na aming klasrum, dahil dito ako natutulog. Namaster ko na rin ang pagtulog habang nakadilat ang mata,kaya hindi ako nahuhuli. At halos nalibot ko na ang buong mundo dahil sa paglipad ng aking utak. Pero kahit na puro katamaran ako ng kolehiyo at natapos ko naman ang BSMT sa loob ng apat na taon. (naks nagmayabang pa). Eh yung iba ko ngang mga kaklase aba nagrereview na nga at tutok na tutok sa turo ng mga prof namin, hanggang ngayon estudyante pa rin!hehhehe!

ang pagtatapos ng i love you ipis ipis very much

KABANATA X

SA WAKAS

Tatlong taon na rin siguro ang nakalipas, magmula nuong naganap ang isang pagyayari na tumapos sa masalimuot kong buhay. Opo. Ang iyong abang lingkod na si Lufet, ay nasa Langit na.

Ganito ang nangyari

Mabilis akong nakarating sa kabinet kung saan naruon si Intsikticide. Dahan dahan akong pumasok sa maliit na uwang sa may ilalim ng kabinet. Kagaya pa rin ng dati, madilim pa rin sa loob nito. Pero sa hindi ko malaman na kadahilanan, hindi ko maipaliwanag ang kaba na aking nararamdaman.

“pssssssttt, psssssstt...Insikticide ako ito ..” mabilis kong isinaysay sa kanya.

Hindi ako maaring magkamali. Nakita kong ngumiti siya nung nakita niyang dumating ako. Pero ang ipinagtataka ko lang, kung bakit bigla na lang nawala yung ngiting iyon at biglang napalitan ng galit.

“Umalis ka na ditto Lufet.Pls!” wika niya

“pero...bakit?...hindi mo na ba ako mahal?” makulit kong itinanong.

“mahal kita, alam kong alam mo yan. Pero, hindi tayo bagay, hindi tayo para sa isat-isa.Lufet, ayaw na kitang masaktan kasi mas nasasaktan ako!” maiyak iyak niyang isinigaw.

“Minsan, kailangan natin masaktan para magising tayo sa katotohanan. At ikaw ang gumising sa natutulog kong puso. Nagising na lang ako sa katotohanan na mahal kita at hindi ko kayang iwanan ka.” Tugon ko sa kanya

“ Hindi mo ko naiintindihan eh. Maaari kang mamatay!” sigaw niya

“eh ano? Eh ano kung mamatay ako? Lahat naman darating dun. Basta ang alam ko, Gusto kita makasama, gusto kita yakapin, gusto kita halikan, gusto ko iparamdam sayo ang pagmamahal ko. Kung mamatay man ako dahil sa mga ito.. Wala akong pagsisihan, kasi nagawa ko yung gusto ko.” Muli kong itnugon.

“Lufet! Natatakot ako.” Naguguluhan niyang isinagot.

“ako rin. Natatakot. Pero kailangan natin maging matapang. Ayoko maging duwag habang buhay. Kaya nga andito ako. Sasamahan kita. Harapin natin yung mga takot natin.” Dahan dahan akong lumapit kay Intsikticide para yakapin siya.

Bigla na lang, lumiwanag. Nagulat ako. Nasilaw, napapikit. At sa aking pagdilat, hawak hawak na ng isang dambuhalang tao ang mahal ko. Tapos itinapat niya si Intsikticide sa akin. Nagkatinginan kami ni intsikticide. Natakot ako. Pero mas kita ko ang takot sa mata ni Intsikticide. Sabay idiniin ng tao ang kanyang hintuturo sa bahaing itaas ni Intsikticide. Nagsimula na itong maglabas ng kakaibang likido na may nakakamatay na aroma.
Hindi ako makagalaw. Parang may nakahawak sa anim na mga binti ko. Sinubukan kong lumipad para pero ang bigat ng katawan ko. Wala na, Wala ng ibang laman ang isip ko kundi ang iligtas siya. Ang masaklap. Wala rin akong magawa.

“lufeeeeeett!! Wag mo na ko intindihin..pabayaan mo na ako. Magsimula ka na lang ulit.Umalis ka na!!” malakas na sigaw ni Intsikticide habang umiiyak.

Malakas ang buga ng likido mula kay Intsikticide dahil sa madiin na pagkakapindot dito. Unti-unti akong napaatras. Umikot ang paningin ko gaya ng pagikot ng mundo ko kay Intsikticide.Nahihilo na ako. Pakiramdam ko kusa ng pumipikit ang mga mata ko, nanghihina na rin ang buo kong katawan. Pero bago pa man bumigay ang katawan ko. Nasabi ko pa rin ang mga katagang;

“Mahal kita Intsikticide ko, mahal na mahal parang gasulina.”


(insert f4 song here)

Obeybibeybibeybi may beybibeybi kushangshang mishani,mekeni,mekeni gogojumanji, angkaninamsimpugi........


Mukhang gigil na gigil yung dambuhalang tao. Naubos niya kasi ang lamang likido ni Intsikticide. Nakita ko pang inaalog niya si Intsikticide bago itinapon sa may basurahan. At yun na nga.Bumagsak ang katawan ko. napatihaya, at nagsimulang mangisay.

Ngayon, Masaya na ako dito. Ang totoo hindi naman talaga ako namatay. Buhay ako at kasama ko si Intsikticide, si Manuy at ang mga repipis. Diba’t langit din naming maituturing ang lugar kung saan kasama mo ang mga mahal mo sa buhay. Nagsasaya at nagmamahalan.

Paano ako nabuhay? Actually hindi ko alam, Sabi ng iba, baka daw sa dami ng luhang nahalo sa nakalalasong likido ni Instikticide,nabawasan ang tindi ng kamandag nito. Sabi naman din ng iba, Yun daw ang tinatawag na himala. Ewan ko! Basta ang alam ko nangyari ang lahat ng ito dahil sa pagibig.

(Insert mutya themesong)
Sana’y pag-ibig na lang
Ang isipin
Nang bawat isa sa mundo
Sana’y pag-ibig na lang
Ang isipin
Sana’y magkatotoo

Sana’y laging magbigayan
Sana’y laging magmahalan

(o tama na! Kumakanta ka na eh! Hindi na nga kita sinita nung kinanta mo yung sa F4. Pati ba nmn ito!)

Nga pala, may goodnews ako. Matapos ang mga pangyayari. Nagpunta siya sa Paris, France. Dun siya nagpaconvert. Ngayon,Hindi na siya si Intsikticide na made in china na.

Birthday Holiday!

Medyo maiksing oras na lang ang natitira para sa paghahanda sa aking nalalapit na kaarawan. I-greet nyo ako mamaya ha? (May 22) Okay? (kapag hindi ninyo ako binati, hindi ko na kayo bati! *pout*)



Heniway, heto ang problema ko, dahil hindi na matutupad ang plano ko na mag-Jollibee Kiddy Party, na matagal ko nang wish, ay magpapaparty na lang ako sa bahay namin. Ang problema, hindi ko alam kung paano ko ito magagawang successful at magagawang masaya ang mga piling panauhin.

Baka pwedeng bigyan nyo ako ng idea sa mga sumusunod:

* Food (time of party is from 6pm till 8pm so pang-dinner)
* Souvenirs
* Attire ng aattend (irerequire ko pa ba ito? bawal ang panget)
* Cake
* Balloons
* With clown?
* Pabitin o Pinyata?
* Games

Ano pa ba?

Syanga pala, tight budget, gusto ko lang talagang matupad ang kiddie party na ito bago ako mag-debut (char!)

Sarap maging bata

Noong ikaw ay bata pa, Nagawa mo ba ang mga ito?

1. Kumakain ka ba ng aratilis?

2. Nagpipitpit ng gumamela para gawing soapy bubbles na hihipan mo sa binilog na tanggkay ng walis tingting?

3. Pinipilit ka ba matulog ng nanay mo pag hapon at di ka papayagan maglaro pag di ka natulog?

4. Marunong ka magpatintero, saksak puso, langit-lupa, teleber-teleber, luksong tinik?

5. Malupit ka pag meron kang atari, family computer or nes?

6. Alam mo ang silbi ng up, up, down, down, left, right, left, right,b, a, start?
tapos maglalaro ng super mario?

7. May mga damit ka na U..S.E.D., Boy London, Cross Colors, Esprit, Blowing Bubbles at pag nakakakita ka ng Bench na damit eh naalala mo si Richard Gomez?

8. Addict ka sa rainbow brite, carebears, my little pony,thundercats, bioman, voltes v, mazinger z, daimos, he-man at marami pang cartoons na hindi pa translated sa tagalog?

9. Nanonood ka ng Shaider kasi nabobosohan mo si Annie at type na type mo ang puting panty nya?

10. Alam mo ibig sabihin ng time space warp at di mo makakalimutan ang
time space warp chant?

11. Marunong ka mag wordstar at nakahawak ka na talaga ng 5.25 na floppy disk?

12. Kilala mo si manang bola at ang sitsiritsit girls?e si luning-ning at luging-ging?

13. Inaabangan mo lagi ang batibot at akala mo magkakatuluyan si kuya bodgie at ate sienna.

14. Alam mo lyrics ng “tinapang bangus” at “alagang-alaga namin si puti”?

15. Nung high school ka inaabangan mo lagi beverly hills 90210?

16. Gumagamit ka ng AQUANET para pataasin ang bangs mo?

17. Meron kang blouse na may padding kung babae ka at
Meron kang sapatos na mighty kid kung lalake ka?

18. Nangongolekta ka ng paper stationaries at mahilig ka magpapirma sa slumbook mo para lang malaman mo kung sino ang crush ng type mo?

19. idol mo si McGyver at nanonood kang perfect strangers?

20. Eto malupet… six digits lang ba ang phone number nyo dati?

21.. Nakakatawag ka pa sa pay phone ng 3 bentesingko lang ang dala?

22. Cute pa si aiza seguerra sa eat bulaga at alam mo ang song na “eh kasi bata”?

23. at manood ng Eat Bulaga sa Channel 13 tapos nalipat sa 9 tapos sa 5 sumunod sa dos at ngayon nasa GMA 7 na..

24. O kaya naman manood ng ‘sang linggo na po sila ng APO sa dos..

25. Inabutan mo ba na ang Magnolia Chocolait eh nasa glass bottle pa na ginagawang lalagyan ng tubig ng nanay mo sa ref?

26.. Meron kang pencil case na maraming compartments na pinagyayabang mo sa mga kaklase mo?

27. Noon mo pa hinahanap kung saan ang Goya Fun Factory?

28. Alam mo ang kantang “g lori a labandera”.. lumusong sha sa tubig ang paa ay nabasa at ang “1, 2, 3, asawa ni marie”… hehehehehe?

29.Sosyal ka pag may play-doh ka at Lego… at nag-iipon ka ng G.I. Joe action figures at iba pa ang mukha ni barbie noon?

30. Inabutan mo pa yung singkong korteng bulaklak at yung diyes na square?

31. lumaki kang bobo dahil ang akala mo nangangagat talaga ang alimango sa kantang tong-tong-tong. .. diba naninipit yun?

32. Alam mo yung kwento ng pari na binigyan ng pera yung batang umakyat ng puno para bumili ng panty… and syempre, alam mo rin ba kung ano binigay nya sa nanay nung umakyat ng puno?

33. Meron kang kabisadong kanta ni andrew e na alam mo hanggang ngayon..
aminin?

34. Laging lampin ang sinasapin sa likod mo pag pinapawisan ka?

35. Bumibili ka ng tarzan, texas at bazooka bubble gum… tira-tira, at yung kending bilog na sinawsaw sa asukal?

36. Nanonood ka ba ng Madeline, Art Jam, Silip, detek Kids, Pahina Kokey, Hiraya Manawari, Math Tinik, Epol Apple, B1 at B2 at Bayani bago pumasok sa School lalo na kung pang-hapon ka??

37. Takot ka dumating ang year 2000 dahil sabi nla magugunaw daw ang mundo at yun ang tatawaging Y2K at pag dating daw ng year 2000 mawawala lahat ng powers ng mga appliances sa bahay nyo at mabubuhay ang buong mundo ng walang ilaw sa gabi?

38. Maaga ka umuuwi pagkagaling sa school kase manunuod ka ng That’s Entertainment or AngTV?

Kung alam mo lahat dito lagpas ka na ng 25 years old… kapag halos lahat alam mo, nasa 25-30 ka…

huwag ka magdeny.. tumawa ka na lang.. di ba 75 centavos pa lang pamasahe sa jeep noon at mas masarap ang mellow yellow kesa sa mountain dew at lift?

at higit sa lahat 4:30 na kase AngTV na or THATS ENTERTAINMENT kase inaabangan mo bagong dance steps ng UNIVERSAL MOTION DANCERS!

salamat....





Wag kalimutan ang sayaw na TONY tony popony.. at boy band na MENUDO..

I thought you had fun just the same as I did… =P

how?!

Paano nga ba? Paano nga ba kita malalapitan? Paano ko nga ba maipapadama sayo kung gaano ka kahalaga sa puso ko?!…Paano ko nga ba masasabi sayo na mahal kita?!………….

TALENT SHOWS!!!

Kung dati halos parang mabentang hotcake ang mga “REALITY SHOWS” ngayon naman parang mga nagsulputang ukay ukay ang mga “TALENT SHOWS”. Nandyan ang Talentadong Pinoy, Pinoy Extreme Talent, Kahit Sino Pwede, Showtime, Diz ziz it, at Pilipinas Got Talent. Ang dami nga talagang talento ang mga kababayan nating mga Pinoy, ibang klase! Kaya naman medyo napaisip ako ng konti, iniisip ko kung sasali ako sa mga Talent shows na ito, ano kaya ipapakita ko…………… isip…….. isip…….(after 10 minutes)………… Punyemas naman wala akong maisip. Puwet lang ang kaya kong ipakita!

Hindi ako marunong kumanta, syete !!!. Di ko alam kung anong nangyari sa boses ko. Eh myembro ako ng choir noong bata at madalas din akong pakantahin ni Lolo ng “Blue Jeans” sa harap ng mga kumpare nya. Pero ngayon…………… langya naman oh,ang silbi lang ng bibig ko ay panglamon at pangnguya at pag inom ng malamig na beer yun lang!Hays!

Sinubukan ko ding tumugtog ng Bass Guitar. Nagkaroon din ako ng banda, pero hayun …dahil adik na adik ako sa Bioman, Mask Rider Black at Buknoy (ang nagsasalitang bola) eh hindi ako umaaten ng praktis namin. Kaya makalipas ang ilang buwan, lahat ng ng kasabayan ko kay gagaling tumugtog, ako wala. Hays (butong hininga uli)
.
Okay, wala rin akong future sa pagsayaw. Tae naman oh!! Dahil sa aking mahiwang beywang at paa na ubod ng titigas. Parang may sariling buhay ang mga bwisit na beywang at paa na yan. Ayaw makisama at gusto lang nilang umepal. Sinubukan ko naman! pwamis! Kaya noong grade 2 ako, sumali ako sa program ng school namin. At sumali ako sa isang dance number.

Ang sayaw naming ay ICE ICE BABY (okay payn, luma na yan nahahalata ang edad ko! Kayo na fetus!!). Syempre nagpabili ako ng bagong sapatos sa nanay ko. Matagal pa akong naglulupasay sa simbahan (pasikat kumbaga tinapat kong nagsisimba para walang kawala si nanay) para lang ibili nya ako ng SHAIDER shoes na umiilaw ilaw pa.. At epektib naman sya dahil binili nya ako, yun nga lang may kasamang kurot yun na maliliit. at batok na pasimple (syempre nasa loob kaya kami ng simbahan para di halata). Pero okay lang at least may Shaider shoes na ako.

Hayun na nga sumayaw na ako, dahil bago ang aking sapatos nagpakitang gilas ako. Feeling ko nun ang ganda ganda ng sayaw ko. Magkatapos naming magsayaw sa stage, nilapitan ako ng ate kong grade six na noon. Sabi nya “ano bang nangyari sa iyo? Bat nagwawala ka sa stage. Baluga ka ba? Pinagtatawanan ka kaya ng mga kaklase ko!Para ka daw tanga. Kakahiya ka!”.
.
At natauhan ako noong mga araw na yun! Nalaman ko na wala talaga akong future sa pagsasayaw. Kaya hayun simula noon hindi mo na ako mapapasayaw. Kung sumayaw man ako, mukha akong TIMANG!!

Ngayon minamaster ko na ang paglulon ng apoy, habang ngumunguya ng bubog. Ayaw ko ng tumulay sa alambre dahil luma na yan, tutulay na lang ako sa barb wire para astig. Basta bwisit na yan! Wala talaga akong talent. Kaya ang lakas ng insecurities ko pagdating sa talent talent na yan.

Hays (ikatlong butong hininga). Sige okay na ako! Siguro nga hindi naman pwedeng ibigay ng Dyos lahat sa isang tao. Yun nga lang “wala” naman binigay sa akin si Lord kahit isang talent.Hahaha!Joke lang

Eh sabagay naiisip ko, ang lahat naman ay pwedeng pag-aralan. Siguro kung bibigyan ko lang ang time ang sarili ko, matuto rin akong kumanta at sumayaw tulad ng napapanood ko sa mga Talent Shows na yan!

Ganun naman nga talaga eh, ang lahat ng bagay ay pinagsisikapan at pinaghihirapan. Tulad ng talent o kakayahan itoy pinagsisikapan din. Ang lahat ay hindi nakukuha ng bigla bigla, kung gusto kong gumaling kailangan kong pagsumikapan ito. Di pa naman huli ang lahat eh! Baka may isa pang purpose ang bibig ko bukod sa paglamon, baka pwede ko naman itong ipangkanta. At siguro may silbi pa naman ang paa at baywang ko, baka pwede ko iton pagkakitaan pa (mag mamacho dancer ako)

Salamat…..

Ako si Shaider (pulis pangkalawakan)

Noong bata pa ako ay pangarap kong maging isang superhero. Ngayong malaki na ako, hindi pa rin nawawala sa akin ang pangarap na ito.

Ayokong maging katulad nina Batman at Superman na naka-leggings at nakalabas ang brip sa kanilang costume. Baduy sila para sa akin. Ang gusto ay maging isa sa mga metal heroes ng Japan. Hanggang ngayon ay hinihintay ko pa rin na i-recruit ako unexpectedly ng Galactic Union Patrol at gawing isa sa mga pulis pangkalawakan o "space sheriffs".

Una kong napanood ang (UCHUU KEIJI) SHAIDER sa IBC13 bandang late 90's noong medyo maganda pa ang programming nila. Early 95's naman nang malipat ito sa ABS-CBN at ipinalabas tuwing Sabado ng hapon. Ayon kay pareng Wiki, nagkaroon ito ng 49 episodes na ipinalabas sa Japan mula March 2, 1984 hanggang March 1, 1985. Akalain mo yun, mahigit dalawang dekada na ang nakakaraan pero sariwa pa rin ang aking mga alalaa sa teevee series na ito. Puno ng childhood memories. Sigurado ako, ikaw rin.

Opening theme pa lang, enjoy na kami sa panonood nila utol at mga pinsan. Kapag narining na ang "Code Name....Shayda!!", bigla nang papasok ang malufet nitong soundtrack. Noong una ay hinayaan itong Japanese version pero 'di nagtagal ay nagkaroon na rin ng Tagalog. Wala kaming pakiaalam sa ginagawa ni ALEXIS (ang pangalan ng bida kapag hindi pa siya nakakapag-transform) dahil ang hinihintay naming lahat ay ang pagtalon ng kanyang sidekick na si ANNIE. Lights, camera....panty!!

Ang plot ng palabas na ito ay tumatakbo sa pagtatanggol ni Shaider (ginanapan ni HIROSHI TSUBURAYA) sa ating daigdig laban sa puwersa ng kasamaan ni FUUMA LEY-AR. Ang totoo, si Alexis ay ang apo sa patay na kuko ng pinakaunang Shaider na pumutol ng ulo ni Fuuma 12,000 taon na ang nakakalipas.

Kung isa kang die-hard fan nito, mapapansin mo na may kakaibang istilo ang lider ng kampon ng kadiliman dito - hindi siya basta-basta umaatake sa pamamagitan ng pagsira ng mga gusali, pagpapasabog ng missiles, at kung anu-ano pang destructive moves para masakop ang planetang earth. Ang ginagawa niya ay inuuna niyang kontrolin ang mga tao sa pamamagitan ng pag-atake sa kanilang psyche. Ang pinakamadalas na ginagawa niya ay ang pag-hypnotize sa mga kawawang nilalang! Isa sa mga paborito kong episodes ay 'yung hinihikayat ng pangkat ni Fuuma na maging hayop ang mga bata para hindi na sila mag-aral o gumawa ng mga gawaing-bahay. Napanood mo rin ba 'yung episode na may kupidong nakakatakot ang itsura tapos kumakanta sila ng "FUSHIGI SONG" habang nagmamartsa para ma-hypnotize ang mga bata? Eh 'yung episode na kain ng kain yung mga na-hypnotize hanggang sa parang maging isang cocoon na sila? Hanep ang strategem, 'di ba?


Tanda niyo pa ba kung sinu-sino ang mga kontrabida bukod kay Dakilang Fuuma Ley-Ar?

Unahinn natin si IDA. Taena, ano ba ang kasarian niya? Hindi ko alam kung ano siya dahil lalaki ang boses pero pang-bebot ang kanyang fashion. Gumagamit yata siya ng glutathione dahil ang puti-puti ng mukha niya. Pero huwag ka, kahit na mukhang backlash ang itsura niya ay mataas ang katungkulan niya sa kanilang grupo. Siya lang naman ang apo ni Ley-Ar. Siya ang kanang kamay kaya siya na rin ang nagunguna sa mga ritwal na ginagawa kapag nangingitlog ang lolo (take note, lalaki si Fuuma pero nakakagawa ng egg!) niya para makagawa ng isang halimaw. Sa kanya rin nanggagaling ang magic words na "Time space warp...ngayon din!". Ang taray niya 'di ba? May tsismis na sa totoong buhay, ang taong gumanap para sa character na ito ay nag-audition para sa role ni Alexis ngunit 'di siya natanggap dahil sa kapayatan. Ano kaya ang nangyari kung siya ang napili?

Si DRIGO naman ay ang kabaligtaran ni Ida sa lahat. Kung ang apo ay laging nasa tabi ng lolo, ibahin mo ang kontrabidang ito dahil lagi siyang nasa site para pabagsakin si Shaider. Nakakatakot ang itsura niya at bruskong-brusko kung kumilos.


Napanood niyo ba 'yung episode na nagkaroon ng formation ang mga AMAZONAS? Para silang Bioman dahil isa-isa pa silang nagpakilala bago makipaglaban! Sino ba naman ang makakalimot sa puta looks ni Amazonang Itim?

Ang FUUMA ARMY naman ay 'yung mga walang silbing alagad ni Ley-Ar na ang daling mamatay sa lahat ng labanan. Kahit isang panty kick lang ni Annie ay patay na kaagad sila! Ang medyo nakikita kong importansya nila sa grupo ay ang pagsayaw nila sa Fushigi Song kapag nangingitlog si Ley-Ar.
Balik tayo sa mga bidang sina Shaider at Annie. Nataandaan mo pa ba ang mga arsenal nila sa pakikipaglaban?



BATTLE TANK ang madalas nilang gamitin kapag may mga digging requirements habang ang SKY STRIKER naman ang ginagamit kapag nakikipaglaban sa mga space ships na may gulong ng mga kaaway. Dati ay pinangarap kong magkaroon ng BLUE HAWK, ang motorsiklo ni Shaider na madalas niyang gamitin kapag sinambit na ni Ida ang kanyang famous line. Ang BABYLOS naman ay ang space ship na nagsisilbing headquarters nila. Ito rin ang nagbibigay kay Alexis ng Blue Plasma Energy para mag-transform into Shaider. Ang space ship na ito ay may dalawang formations kapag nakikipaglaban. Ang una ay ang "Shooting Formation" kung saan ito ay nagiging isang malaking baril. Ito ang madalas na gamitin kapag lumalabas na ang pekeng ulo ni Ley-Ar. Nagkaroon dati ng laruan nito at madalas naming inaabangan nila utol sa "Uncle Bob's Lucky Seven Club" ang pakontes para manalo nito. Ang pangalawa naman ay nagiging robot kapag ito ay nasa "Battle Formation". Mukhang tae ang itsura nito kaya hindi ito gaanong ginagamit ni Shaider. Tsaka wala rin namang alam itong gawin kundi saluhin at ibato pabalik ang dalawang missiles na galing kay Ley-Ar!

Bukod sa arsenal ay may mga sariling kagamitan ang ating mga bida. May malufet na espada ni Shaider, ang LASER BLADE habang si Annie naman ay may sariling LASER BLASTER.
Hindi corny ang tag-team nina Annie at Alexis dahil walang love story na namagitan sa kanila. Walang mga lecheserye scenes ang naisingit para maging baduy ang adventure.

Ang isa sa mga pinakanaaalala ko rin sa Tagalog version ng palabas na ito ay ang pagkakaroon ng voice-over kapag may mga major scenes. Halimbawa ay kapag nag-transform na si Alexis into Shaider. Ipapaliwanang ng narrator kung saan nanggagaling kanyang kasuotan. Kapag sinabi na ni Ida ang "Time Space Warp" ay ipapaliwanag naman na mas malakas ang mga halimaw ni Ley-Ar sa dimensyong iyon ng ten times. Memorize ko lahat 'yun dati pero sa paglipas ng panahon at pagkain ng maraming pork ay unti-unti ko na itong nakalimutan.

Sa sobrang sikat ng palabas ay nagkaroon ito ng pelikula. Noong ipinalabas ito sa Pinas, walang batang hindi nanood. Hindi ka kasi "in" kung hindi ka pinayagan ng mga magulang mong makita ang idol mo sa big screen. Talagang pipilitin mong umiyak at humagulgol sa ermats at erpats mo para lang makapanood kaysa naman kantsawan ng tropa. Sa pagkakaalala ko ay 3-in-1 ang movie dahil kasama rin ang Bioman at Maskman sa palabas.

Walang ending ang Shaider sa Pilipinas. Actually, hindi ko naaalalang ipinalabas ang ending nito sa atin. Sa Youtube at pirated DVD Collection ko lang napanood ang katapusan nito. Pero kahit na paulit-ulit itong ipinapalabas dati ay hindi ako nagsasawa. Hanggang ngayon ay enjoy pa rin ako kapag napapanood ang mga labanan.

Sa totoong buhay, ang ending ni Shaider ay naganap nang sumakabilang-buhay si Hiroshi noong July 24, 2001 sa edad na 36 years old dahil sa liver cancer na nakuha niya sa pagiging alcoholic. Ang gumanap namang Annie na si NAOMI MORINAGA ay ipinagpatuloy ang karera sa showbiz sa pamamagitan ng pagganap sa mga soft porn movies. Sabi ko na nga ba, may senyales na ang kanyang mga boso moves noon!



salamat.......

Sarap maging batang 90's

Ano ang naaalala mo?

Isa ka ba sa mga oldies ngayon na pilit na binabalik-balikan ang mga masasaya, malulungkot, at malufet na mga pangyayaring nagbigay-kulay sa buhay nating mga Pinoy?

Isa kang ganap na Batang 90's kung:

1. nahilig ka sa World Wrestling Federation at napanod ang "Montreal Screw Job" sa pagitan nila Bret Hart at Shawn Michaels.

2. naadik ka at naubos ang oras mo sa paglalaro ng Brick Game.

3. kilala mo si Dino Ignacio na nagpasikat kay Bert ng Sesame Street in a very unique way.

4. naabutan mo ang "Lunch Date" at "SST" sa Siete kung kailan sikat na sikat si Randy Santiago.

5. nahilig ka sa mga kanta ni Andrew E. at pinilahan sa mga sinehan ang kanyang mga pelikula.

6. sinubaybayan mo ang mga turo ni Brod Pete sa Dating Doon na isang segment ng Bubble Gang.

7. nakita mo ang development ng sinaunang videoke hanggang sa maging hi-tech ito.

8. natatakot kang mamatay ang inaalagang tamagotchi.

9. nakapanood ka ng isa sa mga milyung-milyong massacre movies a.k.a. "pito-pito movies" ni Direk Carlo J. Caparas.

10. naniniwala kang nanganganak ang mga mababangong kisses at may taong-ahas sa Robinsons.

11. nakita mo kung paano umusbong sa kahabaan ng EDSA ang Megamall, Galleria, at Shangri-La.

12. alam mo ang tsismis na kapag binaligtad ang kantang "Pare Ko" at "Banal na Aso, Santong Kabayo" ay may maririnig kang mga demonic messages.

13. alam mong nanalo ang presidenteng may malufet na carabao English.

14. isa ka sa mga nangarap na sana ay hindi kailanman ma-disband ang Eraserheads

15. napanood mo ang concert na "MTV Alternative Nation Tour" sa Araneta kung saan tumugtog ang Foo Fighters, Beastie Boys, at Sonic Youth.

16. nagulat ka nang isang araw paggising mo ay ipinapalabas sa teevee na tinitira ni Tito Sotto ang mga kantang "Alapaap", "Laklak", at "Elesi" dahil sa masamang mensahe daw nito sa mga kabataan.

17. araw-araw mong kasama sina Mario at Luigi sa Family Computer para sagipin ang princess.

18. may mga paborito kang kanta tulad ng "Cold Summer Nights".

19. mahilig ka sa mga alternative bands na sumikat sa Tate.

20. mayroon kang mga cassette tapes na produced ng Tone Def Records.

21. nangarap kang sana ay magkaroon ng reunion concert ang Eheads matapos silang madisband.

22. kilala mo ang trio nila Mark, Eric at Jomari.

23. isa ka sa mga engot na akala ay nakakalasing ang Cali.

24. napanood mo ang first episode entitled "Rubber Shoes" ng MMK starring Romnic Sarmienta

25. isa kang pakanton na mahilig kang kumain ng Lucky Me! Instant Pancit Canton.

26. kilala mo ang sikat na pamilya ng Springfield.

27. natutuwa ka kahit naiirita sa tuwing naririnig si Punk Zappa.

28. alam mong hindi shawerma ang tawag sa shawarma.

29. isa ka sa mga kabataang gustong matuto ng pagtugtog ng gitara para makapagbuo ng sariling banda.

30. inlababo ka kay Alicia Silverstone na bumida sa ilang music videos ng Aerosmith.

31. alam mong hindi original ng TGIS ang kantang "Dyslexic Heart" ni Paul Westerberg.

32. kilala mo kung sino ang nagpasikat ng kantang "Multong Bakla".

33. mahilig kang manood ng "Headbanger's Ball" ng sinaunang MTV sa Channel 23.

34. ginagaya mo ang grunge fashion ng Nirvana at iba pang Seattle bands.

35. inaabangan mo kung ano ang mga bagong laruang ipapakita sa "Uncle Bob's Lucky Seven Club".

36. na-exercise ang fantasizing abilities mo sa tulong ni Xerex.

37. bilib ka sa 4-peat ng "Growling Tigers" kahit na 'di ka taga-uste.

38. mayroon kang nakasukbit na beeper sa baywang mo.

39. naniniwala kang isang alamat ang kasaysayan ng Zagu.

40. alam mong "Kung walang knowledge, walang power".

41. bumili kayo ng matinding antenna para makasagap ng sinaunang UHF Channel.

42. alam mong tugtugin sa gitara ang "Plush (kahit intro lang)" ng Stone Temple Pilots.

43. alam mo ang love story nina Kevin Arnolds at Winnie Cooper.

44. habit mo ang pagba-Batibot.

45. isa ka sa mga batang nangarap na sana ay kasing-bibo at kasing-cute mo si Macaulay Culkin noong totoy pa siya.

46. alam mo ang silbi ng Blue Magic at Gift Gate kapag Pasko at balentaympers.

47. nakikisawsaw ka sa usapan sa kung sino talaga ang pumatay sa mga Vizconde.

48. kilala ang babaeng pumutol ng kaligayahan ng kanyang asawa.

49. nabubwisit ka sa tuwing makakakita ng event na may "palooza" sa hulihan.

50. alam mong rip-off ang kantang "Stay" ng Cueshet mula sa "The Greatest View" ng Silverchair.

51. aliw na aliw ka sa pagmumukha ni Rene Requiestas.

52. naramdaman mo ang pagyanig ng Luzon noong July 16, 1990.

53. kilala mo ang tropa nila Guile, Ken, at Ryu.

54. nakikanta ka sa "Bed of Roses" ni bunjubi.

55. elibs ka sa galing ni "The Magician" sa paglalaro ng bilyar.

56. nanlumo ka sa mga ipinakitang bangkay na nasunog na Ozone Disco.

57. namimili ka sa kung ano ang panonoorin, "TGIS" o "Gimik".

58. alam mo ang istorya ng "Take it, take it" sa MMFF Awards.

59. nalaman mong cool pala ang maging bobo nang makilala mo sina "Beavis and Butt-Head".

60. alam mo ang ibig sabihin ng mga acronyms na "TF" at "ST" na isang genre ng pelikula.

61. nasaksihan mo ang hidwaan sa pagitan ng mga metal at mga hip-hoppers.

Johnny-come-lately ako sa photography

Maraming hilig at talento ang isang tao. Maaring sa pagsusulat, sa pagpipinta, sa eskultura, sa paghahalaman, sa pagluluto, sa pagkukumpuni ng kung anu-anong gadget at makina sa bahay.

May talentong napapalawak mo. Meron namang naiisantabi. Kung ikaw ay isang overseas worker na katulad ko, karamihan ng iyong interes ay gusto mong panindigan. Hindi ko lang sigurado kung bakit. Dahil siguro may oras ka. Pagkatapos ng trabaho ay wala ang pamilyang dapat at umagaw ng iyong atensyon. Marahil dahil gusto mong punuin ang iyong oras upang di makapag-isip ng di gaanong masayang bagay.

Kaya siguro ako'y nag-isip magblog. makipagkaibigan, at kung anu-ano pa.

Kamakailan, nagkaroon ako ng bagong kinahihiligan. Isang bagong sining -- ang pagkuha ng larawan o potograpiya. Pero sa totoo, noon pa man gustong-gusto ko nang kumuha ng mga larawan ng mga lugar, bagay, at mga taong nakapaligid sa akin, lalo ang aking mga ninuno at iba pang kasapi ng aking angkan.

Hindi lahat ng maganda ay mata ang nakakakita. Puso lang ang makapagsasabing kakaiba sa lahat ang isang bagay. Hindi sa paraang makikita ng mata kundi ang kayang tarukin ng damdamin. Kung nais mong hangaan ang isang larawan tingnan mo ito ng malalim at may pakahulugan, sabay namnamin ang katahimikan.

Matapos akong makabili ng isang makabago ngunit simpleng camera, nagsimula kong pag-aralan ito. Pashoot-shoot sa kahit saan at kahit ano. Kahit anong anggulo. Pinihit sa feature na iba't iba at sumubok ulit. Nakakaaliw. Nakakaakit na para bang gusto mo na lang laging hawak ang camera. Kakaibang linya ng sining.

Bagong karanasan sa akin ang photo shoot. Ibang level, sabi nga ng mga kabataan. Wala akong alam sa set-up .. nagmasid lang ako at nag-isip. Watch and learn, wika nga.

Bakit nga ba ngayon ko lang ba sinubukan ito? Ang tagal kong natulog sa kangkungan. Halos kasing tagal ng kasaysayan ng photography. Tinuklas ng ibat ibang kilalang sayantipiko. Noon kasi, kasing laki ng aparador ang camera. Kailangan ng dark room, at ibinababad sa mga kemikal para lang mabuo at lumabas ang larawan. Maswerte tayo sa kasalukuyang panahon. Kay gaan ng ng kamera at idiot-friendly. Tamang sipat, pindot, at konting arte, ayan na -- instant ang larawan.

Siempre Johnny-come-lately ako sa photography. Starting from near scratch. Pero walang di matututunan sa wastong pag-aaral. Hanggang meron kang passion at pagmamahal sa yong kinahihiligan, may mararating ka. Sa bandang huli mapapansin ka rin at makikilala. Kay raming inspirasyon sa kapaligiran. At marahil sa darating na panahon ikaw naman ang magiging inspirasyon sa iba sa pagkuha ng larawang simple pero may buhay at kahulugan.

Muling pagbabalik-tanaw ang litrato sakin, kuhanan muli ang nakalipas na araw na kasama ko ang aking mga magulang at mga kapatid. Kung ganoon lang sana kadali ang pagbabalik na ito -- marahil, makikita nyo sa akin ang ngiti ng isang taong wala nang hihilingin pa sa buhay.

Pangarap ko bilang isang OFW na makakuha ng mga litratong yayakapin ng aking pamilya. Yun bang tipong nakalagay sa wall at tinititigan ng lahat ng mahal ko sa buhay. May alam o wala tungkol sa sining. Dahil litrato nila ang aking kukuhanan, ipagyayabang at ipagmamalaki na sila ang bumubuhay ng kwadro kahit wala itong magarbong frame.

Kahalintulad ito ng pag-asinta ng buhay at suliranin, pag-klik ng naaayon sa iyong gusto, paglalagay ng liwanag sa madilim na tinatahak, at pagbalanse ng bawat kulay ng buhay. Kung mahirapang gawin ito, maraming taong tutulong at gagabay.
Sa pamamagitan ng potograpiya may makikita ka sa mukha ng mundo na hindi kayang arukin ng mata..

Usapang Trabaho

Usapang trabaho ito at dahil usapang trabaho, narito ang listahan ko na gusto ko sanang kuhaning course noong ako’y magtatapos na ng hayskul. At heto yun.

1. Chef ( F ang dulo hindi T ha! Baka Shet mabigkas mo)

Gustong gusto ko ang uniporme nila, para bang kahit hindi masarap ang niluluto mo eh , mukha pa rin akong masarap este mukha pa rin masarap yung niluluto ko. Ito rin ang tawag sa sosyal na kusinero/kusinera – CHEF . Aminadong bopol ako sa pagluluto dahil dito na lang ako natuto sa abroad maglinis ng isda at maghiwa ng karne. Kaya naman gusto kong mag-aral nyan. Malay mo magkaroon ako ng karinderya in the future (hu knows runny nose) Saka isa pa, gusto kong magluto ng gulay na hindi lasang gulay. Dahil allergic ako sa mga gulay.

2. Nurse

Maraming nagsasabi na bagay daw sa akin ang uniporme ng nurse. Dahil mabango daw akong tingnan kapag nakaputi akong damit. Hindi ko alam kung bakit nila nasabi yun siguro, gusto nila lang sabihin sa akin na mukha akong mabaho kapag ibang kulay ng damit ang suot ko!hehehe. Isa pa dahil ito ang Pambansang “course” ng Pilipinas (kadedeklara lang ni P-Noy kahapon). At imposible sa bawat Pilipino na walang kamag-anak na nurse, nais kong maki-in din. Bukod sa malaki ang kita nito sa abroad ,eh dito pa ibinuhos ng Dyos ang mga nagseseksihan at naggagagandahang mga kolehiyala. Hulala!!

3. Psychologist/psychiatrist

Dahil mahilig akong kumilatis ng tao at dahil may tagas din ang aking utak nais ko talagang maging espesyalista sa utak. Masarap kasi pag-aralan ang ugali at kautakan ng tao. Saka gusto ko rin talagang alamin o tuklasin ang karakter ng bawat tao (para utuin). Dahil alam ko malaki ang epekto ng utak nya sa kanyang buhay at sa kanyang kapaligiran. Kaya nga madalas lang akong nagmamasid at pinag-aaralan ang bawat galaw ng mga taong nagdadaan sa akin harapan sabay kanta ng” Ushigi shigi makantawi uha!Shigi Shigi!” (Dahil kampon ako ni Puma Ley-ar)

5. Piloto

Gusto ko talagang maging piloto kahit noong bata pa. Kaya naman nung nakatapos na ako ng hayskul eh nag one –on- one kami ng nanay ko


Ako: Nay, may gusto po akong kuhaning kurso pag nag-college na ako

Nay: Aba ano naman yun anak!

Ako: Gusto ko pong maging Piloto (na may halong pagmamayabang)

Nanay (binatukan ako): Bakit mayaman ka ba? Magtitser ka na lang!

Okay hindi na ako nakipagkulitan pa sa nanay ko ,marahil ayaw lang nyang magkaroon sya ng anak na “pilotong kyut”. At dahil ayaw ko ring magtitser dahil baka palamunin ko lang sila ng binilot na eraser at may mugmog ng chalk sa ibabaw. Napagdesisyon ko na lang mag-Maritime.

Alam kong mahina ako sa Math dahil madalas akong utakan ng mga dyipi driver dahil mali ang kwenta ko sa sukli nila. Kaya naman humanap ako ng pinakamadaling kurso , kaya heto bumagsak ako sa Maritime. Dahil walang Board Exam at mukhang magagamit ko ang kahiligan ko noon sa swimming at surfing . Ito ang kinuha kong course. Awa naman ng Panginoon natapos ko ang course ko ng apat na taon lang (at 7 bagsak).

Ngayon, hindi ko nagamit ang napag-aralan ko dahil nandito ako sa opisina at hindi sa Barko. Ubod sa layo ng natapos kong course sa aking trabaho ngayon, at halos may sapot na ng gagamba ang aking mga brain cells. Pero ang mahalaga naman eh okay naman ang kita dito. Kaya pwede na!

Sa totoo lang hindi naman talaga ako “career-driven” na tao, yung tipong kinakarir ang career nila, mas “business-minded” akong tao kaya malamang magtatayo na lang ako ng business sa atin sa Pilipinas pagkatapos kong mag-ipon dito sa abroad. Nag-iisip ako ng negosyong malaki ang kita. Kaya napag-isipan kong magtayo ng pabrika ng…………shabu. Hahahha!joke lang. Basta isang business na pwede sumoporta sa pang-araw araw na buhay ko. (subukan ko kayang magsaka na lang…….....................magsaka ng marijuana!hahaha)


Alam nyo, dalawa lang talaga ang dahilan kung bakit tayo nagtatrabaho. Ito ay para kumita at ikalawa ay para sa ating mga pansariling kaligayan. Dito lang talaga umiikot yan. Ngayon kung anong trabaho man ang tahakin mo o maging businessman ka pa , tyak dito rin lang iikot sa dalawang ito ang lahat. Kaya kung sakali wala dyan sa dalawa yan ang dahilan kung bakit ka nagtatrabaho, aba tanungin mo ang sarili mo? Tao ba ako? Baka robot na ako?hehehe

Kaya tanungin mo ang sarili mo , bakit ba ako nagtatrabaho? Baka kasi hindi ka na tao, robot ka na pala hindi mo pa alam! (Naks interactive na ang blog ko! Wag showbiz ang sagot, lalo nat di ka naman artista!hehehe).

Ngayon kung sinagot mo ang tanong ko at wala ka namang trabaho malamang......... adik ka sa facebook at hindi ito isang quiz sa Facebook!okay

Yun lamang po at maraming salamat

ikaw ang bida sa love story ko!

Di nga ba ... Ang tanong ay: may puso ka ba? Palagay ko meron pa. Kung nagising kang buhay dahil tumitibok-tibok pa yun, malamang may dugo pang dumadaloy sa katawan mo. Maaaring humihinga ka pa nga, ngunit kung wala namang saysay ang buhay mo. Pero ano pa man, huwag mo namang putulin ang hininga mo nang walang laban, dahil nakatago man maganda pa din ang buhay. At kung binabangungot ka, marahil kailangan mo lang gumising at ayusin ang higaan mo sa pagtulog. Puro kuwentuhang naman masaya o malungkot ang kinahantungan. Mga istoryang hango sa mga taong nakaranas ng kakaibang kapangyarihan dala ng pag ibig. Parang ang baduy, mala-love story na pampelikula. Lahat parang scripted. Siempre apektado ako, Timplahin ang kuwento. Gawing parang kape na iba-iba ang lasa. Lagyan ng cream o gatas. Gawing matapang o katamtaman lamang. Pabilisin ang tibok ng puso. Gisingin ang diwang natutulog.

Malungkot ang kaso ng maraming OFW.
Tatlo sa sampung pamilya ng isang OFW ang nawawasak matapos magtiis na umalis ng bansa, iwanan ang mga minamahal, at magtrabaho abroad. Mahabang palaisipan. Sino ang nagkulang?
Hindi sa lahat ng panahon ikaw ay panalo. Ang laro ng puso ay isa ring sugal. Hindi lahat natatapos sa saya. Hindi na yata uso ngayon yung ending na “they live happily ever after.”
Ano man ang itaya mo, minsan hindi mo makakabig muli. Mararanasan mong mabigo. Bihira yata yung “one and only” o “una at huling pagibig.” Dahil nagbabago ang ikot ng mundo. At nag-iiba ang kulay ng paligid. Pero kung trip mong hanapin, magpakatatag ka. Darating din ang para sa iyo.
Walang katulad. Dahil masayang ma-in love. Dahil masarap magmahal. Dahil matamis mangarap na kasama kita. At kung sino ka man, ikaw ang bida sa love story ko.

sA LoOB ng KaMerA

Habang pinag-aaralan ko ang mga kuha sa kamera, naisip kong hindi pala ang ganda o pagka-moderno ng kamera ang nakapagbibigay ng kulay sa mga larawan; bagkus isa lang proseso ito. At hindi rin sa akin o sa isang magaling na potograper nagmumula ang pagsipat; isa rin lang proseso ito. Hindi rin sa pagretoke at pag-areglo sa anumang software gumaganda ito; isa din lang proseso ito. Ang tunay na nagbibigay-kulay ay ang paligid mo, tao man o bagay o lugar na may kanya- kanyang istorya na papasok sa loob ng iyong kamera, luma man ito o bago.


Anu ang kulay sa Loob ng Kamera?

Kung ang kamera ko ngayon ay nasa Libya, ano ang makikita mo?
kung ang kamera ko ngayon ay nasa New Zealand, ano ang makikita mo?

at kung ang kamera ko ngayon ay nasa Japan, ano ang makikita mo?

BLOG BLOG BLOG (Tunog ng taeng sabay sabay nahulog sa inodoro)

Minsan ayaw ko ng magsulat ng seryoso, kasi wala naman sumeseryoso sa akin. Hahaha!!

Paano nga ba?
Paaano sasabihin sa isang tao ang mga bagay na ito na hindi sya masasaktan: (original to!!!)

May Bad Breath
Lalake: Miss hulaan ko kung ano kinain mo kanina?
Babae: Ano?
Lalaki: TAE BA ITO??
Heto pang isa, para naman makabawi
Babae: Sir, nakaamoy na po ba kayo ng bulok na durian?
Lalaki: Hindi pa eh bakit?
Babae: Ganun ba? Kasi ako kaamoy ko lang!! (sabay takip ng ilong)

May B.O (Bad Odor)
Mister: Darling naligo ka na ba?
Misis: Oo naman, Bakit, gusto mong maglabing labing?
Mister: Hindi, Basta sa susunod wag ka ng maliligo sa imburnal ha!

May Tinga sa Ngipin
Lalake: Ay miss nakabrace ka ba?
Babae: Hindi, bakit?
Lalake: Kasi ang cute ng ngipin mo may sabit sabit.

May Putok
Babae: Mama, suko na po ako hindi na po ako lalaban!!
Lalake: Bakit hindi naman ako holdaper ah!
Babae: Eh kasi nagpapaputok na kayo eh!!

May kulangot ang ilong
Lalake: Ay miss ang ganda naman naman ng hikaw mo?
Babae: Ah ito ba?(Sabay hawak sa tenga)
Lalake: Hindi, yung nose ring mo?marble ba yan?bilog na bilog eh!!

TANONG LANG

Alam nyo may mga bagay na matagal ko ng iniisip, halos lagi itong gumugulo sa aking isipan kaya sana matulungan nyo ako dito:

1. Ano ba ang tagalog ng CAKE? (utang na loob wag nyong sabihing ganito ang tagalog nito-“KEYK”)

2. Ano naman ang ingles ng Nanghihinayang ( Uhmmm hindi na pwede ang TSK TSK TSK)

3. Ano ang tagalog ng ICE CANDY? (YELONG MINATAMIS ba?) eh ang ICE BUKO?? (YELONG BUKO?)

4. Bakit ang tagalog ng HONEYMOON ay “PULOT-GATA”, eh di ba ang ingles ng GATA ay “COCONUT MILK” at ang tagalog naman ng MOON ay “BUWAN”. Kaya dapat kung hindi HONEYCOCONUTMILK eh dapat PULOTBUWAN.

5. Paano mo tatagaluhin ang salitang “Appliances” , “computer” o “Electronic” sa isang salita at hindi ka todong nag-eexplain?

6. Bakit masarap ang betsin? At ano ang lasa nito? ( hirap noh, parang rugby mabaho pero masarap, adik???)

7. Bakit ang langgam mahilig sa matamis, eh wala naman silang dila?Hindi kaya nasisira ang Ipin nila?Saka paano nila nalalaman na hindi asukal ang iodized salt (ako nga nagkakamali eh sila pa!hindi kaya mas matalino sila kesa sa akin??)

8. Bakit ang “TAE” saka ang “TAE NG KALABAW” pag iningles mo MURA ang kinakalabasan (Shit at Bullshit). Kaya pag tinatawag kang “SHIT” o “BULLSHIT”, sagutin mo ng “IKAW MUKHANG KUYUKOT” o di kaya sigawan mo ng “ LANGEB, LANGEB, LANGEB” sabay belat.(Teka ano nga ba ang ingles ng kuyukot at langeb??)

9. Bakit ang pusod natin mabaho?(sige subukan mong kalikutin ang pusod mo saka mo amuyin? Ano amoy????)

10. Pag ang dalawang tao nagyayabangan ang sinasabi natin “Nagpapataasan sila ng ihe”, eh pag ang dalawang babae nagyayabangan pwede rin ba nating sabihing “nagpapataasan din sila ng ihe????” (Paano kaya yun?)

Konti lang yan sa dami ng mga bagay na gumugulo sa aking malabnaw na utak. Sana matulungan nyo akong masagot ang mga bagay na ito para mapabuti ko at umunlad ang aking buhay. Malaki ang maitutulong nito sa aking pang araw-araw na pamumuhay.

Salamat sa pagbasa

Japan-Japan Sagot Sa Kahirapan! (JJSSK)

Sa maniwala kayo o hindi, alam nyo bang nagbalak akong mag-Japan bilang isang ….....…drumroll please…...........HOSTO. (O baket ka tumawa dyan. may kalbo ba?)

May kwento kasi yan kaya makinig ka!

Ganito kasi yan, 3rd year college ako nang medyo nakatamaran namin ng barkada ko ang mag-aral. Bukod kasi na mahirap ang mag-aral (naglolowbat ang braincells ko dyan, grabe) eh gustong-gusto na naming kumita ng pera . At hindi lang basta kita kundi malaking KITA. Medyo olats din ako sa bahay dahil puros sermon ang inaabot ko sa nanay at tatay ko dahil mistulang tantusan ng BINGO ang mga grades ko sa dami ng bagsak.(sorry naman)

Kauuwi lang ng Ate nyang Japayuki, at inalok kami kung gusto naming mag HOSTO. Katulad ng madumi mong isipan (sama mo!!) eh ang iniisip ko sa mga HOSTO noon ay pagbebenta ng katawan at alindog (nice, alindog?!?) . Iniisip ko noon ito ang CALLBOY ng Japan. Pero pinaliwanagan naman kami ng Ate nya na hindi naman kami magbebenta ng aming katawan (sayang!) kakanta lang daw, sasayaw at imomodel-model lang daw ang aming TI........NDIG (tindig)walang pakialaman blog ko to! Kaya kahit hindi ako marunong kumanta at sumayaw ,pumayag na ako. Tutal panalo din naman ang aking TI...........NDIG! Isa pa kapatid nya 'yung kabarkada ko kaya alangan namang ipahamak pa nya yung kapatid nya.

Inilihim ko ang lahat sa aking mga magulang, kasi pag nalaman nila iyon, baka hambalusin ako ng APARADOR sa pagmumukha . Tiyak din hihimatayin ang nanay ko pag nalaman nyang magHOHOSTO ako sa Japan. Iiisipin nun baka lapirutin at gawing SUSHI ng mga Haponesa (tunay at di tunay) ang aking ANO.... YUNG ANO...... YUNG KWAN KO.........yung KAKYUTAN ko (kanina ka pa, dumi ng isip mo!). Isa pa pulis ang tatay ko, baka akalain nya sinasapian na naman ako ng demonyo. Kaya medyo “tahimik” lang ako sa amin.

So hayun na nga, pinakuha na sa amin ang lahat ng requirements para sa HOSTO-HOSTO na yan, medyo madugo pero ganun talaga pag pursigido kang kumita ng LAPAD (YEN yun tange, hindi tanduay!). Nag-aral na rin akong gumiling ng ……….…brief lang ang suot (Joke lang),nag-aral na akong magsayaw at kumanta. Nagkabisa na rin ako ng mga Japanese Song na tulad ng Voltes V themesong at Moshi Moshi Anone Anone. Kaya medyo handang handa na rin ako.

Balak ko na rin tumigil sa pag-aaral noon, at medyo ginagastos ko na rin sa aking isipan ang mga LAPAD na kikitain ko (di pa ako kumikita ubos na ang sweldo ko). Sabi rin kasi ng kapatid ng barkada ko kailangan daw naming mag-training ng 6 na buwan sa isang agency (tine-training rin pala yun?). Handang handa na talaga akong magHOSTO noon. Ready na ako! (ayos ah, parang boyscout lang)

Subalit, ngunit, dadapwat………… sa hindi inaasahang pangyayari, nilimitahan ng gobyerno ng Japan ang pagpapasok ng mga ENTERTAINER sa Japan (putcha! Entertainer ang tawag sa amin!?!?!). At nakasama kami doon, dahil mas lalo nilang nilimitahan ang mga HOSTOng papasok sa Japan. Kaya ang pinapangarap kong YEN o LAPAD ay nauwi sa…….SINGKONG DULENG na may lumot pa!

Medyo nalungkot ako dahil baka ito na ang simula ng aking pagyaman, pero wala akong magagawa dahil TADHANA NA ANG HUMUSGA (nice parang pamagat sa pelikula). Kaya itinuloy ko na lang ang aking pag-aaral.

_________________________

Okay back sa realidad na tayo! Sa totoo lang, sa tuwing binabalikan ko ang pangyayaring yan sa buhay ko. Natatawa na lang ako! Baket? Baket? Dahil naisip ko na minsan para akong TANGA kung magdesisyon. Sugod ng sugod, arya ng arya. Hindi nag-iisip at mukhang akong hayok na hayok sa......PERA.

Maraming oportunidad para kumita ng pera, pero iilan lang din ang nabibigyan ng oportunidad para makapag-aral at makatapos nito sa ating bansa. Sa Pilipinas na tinuturing na pribilehiyo at hindi karapatan ang pag-aaral, nararapat lang na bigyan natin ito ng malaking importansya at pagpapahalaga.

Ngayon, natutunan ko rin na pag-isipang mabuti ang lahat ng desisyon ko sa buhay. Sabi nga nila nasa huli ang pagsisisi, kaya para wala tayong pagsisihan kailangan maging responsable tayo sa lahat ng desisyon natin sa buhay. Isaalang-alang ang lahat ng bagay at wag tayong pangunahan ng sariling emosyon o pansariling kagustuhan.

Ang dami kong natutunan sa pangyayaring yun, kaya nga kahit alam kong medyo DYAHE ang kwento kong iyan, medyo isinulat ko pa rin para naman may kapulutan ng aral.
Kaya maraming-maraming salamat po sa inyong oras at panahon.

P.S

Nga pala, tumatanggap at nagsasayaw pa rin po ako na…..……..pabango lang ang suot at makapal na mukha sa mga bridal showers. Kaya kung nais nyo pong kunin ang serbisyo ko, murang mura lang may discount pa. Kaya pakikontak na lang po ako sa aking cellphone. Pero pasaload muna bago reply.LOLS!



DISCLAIMER

Wala po akong disgusto sa mga kababayan nating may ganitong propesyon. Ito’y akin lamang pong pansariling opinion at kuro-kuro. Nasa inyo pa rin po ang aking respeto dahil kayo ay kabilang na mga bagong bayani ng ating bansa at ng sarili nyong pamilya.

salamat......

ASTIG (Ang bagong libangan ni Aldrino)

di ako Bloggero...ako ay isang photographer!
ngekkk! juk lang po, kanya kanyang trip lang.....
(yabang...daming camera! Di kaya ako mabigatan!)

ABANGAN………….

TISSUE: I love you ipis ipis very much NO IPIS ALLOWED (Kabanata IX)

KABANATA IX
NO IPIS ALLOWED

Pagkagaling na pagkagaling ko. Nuong mga panahon na maayos ko ng naigagalaw ang mga paa at pakpak ko. Dali dali ako pumunta kay Intsikticide. Super excited. Sa sobrang excitement eh nakalimutan ko na ngang maghugas ng pwet pagkatapos tumae. Hehe. Laking gulat ko ng pagdating ko asang malaking sign ang aking nakita. "NO IPIS ALLOWES" takte wrong gramming pa!!

"WAT ISDAT? boklong naman ng nagsulat niyan! haha" Tanong ko kay Intsikticide. ngunit hindi niya sinagot ang tanong ko. Tumingin lang siya sa akin at sinabing " Ako ang may gawa niyan! Umalis ka na rito! ayaw na kitang makita!"

Lumapit ako sa kanya para lambingin. "ano bang problema my honeybunch? Hindi kita maintindihan. Pwede ko bang malaman?" gulat at may pilit na ngiti kong itinanong sa kanya.

"Hindi mo alam? Wala kang alam? Wag kang tanga!! " pasigaw niyang sagot habang pinipigil ang kanyang pagluha.

" Kung ano man yan, Alam ko magiging ok rin yan. May tiwala ako sayo. kaya natin to."Ang sabi ko sa kanya.

"Magiging OK? Lufet naman! Ano ba? Naalala mo ba yung mga nakaraang taon? Yung mga panahon na nagluksa ka sa pagkawala ng mga kalahi mo at ng pinakamamahal mo na si Dalisay? Ako! At ang mga kauri ko ang may gawa nun! At alam mo ba kung anong mas masakit?Muntik lang naman kitang mapatay! OO! tawa ang narinig mo. Ako ang dahilan kung bakit nagkasakit ka! So please! Get out of my life! Kasi hindi ko kayang ako ang maging dahilan ng pagkawala ng buhay ng pinaka ispesyal na pangyayari sa buhay ko." Umiiyak at galit niyang sagot.

para akong tinamaan ng kidlat sa sinabi niya. Hindi ko alam kung anong magiging reaksiyon ko sa mga narinig ko. Galit ba sa mga nangyari o galit sa sarili ko kasi wala akong magawa. Takot ba na mamatay rin ako kapag kasama ko siya o takot na lmas lalo kong ikamatay kung malalayo ako sa kanya. Tulala akong nag fly -fly palayo. Naghanap ng lugar na mapagtataguan at kung saan puwede akong mapag-isa.


"Bakit ganun? Wala naman akong balak saktan siya. Gusto ko lang maging close kami. Pero bkit tinataboy niya ako" maluha luhang tanong ko sa sarili ko



"Insecticide ako, Ginawa ako para patayin ang mga tulad mo. Nilalayo kita sa akin kasi ayoko maging dahilan ng paghihirap mo. Sana maintindihan mo ako" sabi naman ni Intsikticide sa kanyang sarili habang iniisip si lufet at umiiyak.



Lumipas ang isa, dalawa, tatlo at apat pang mga araw. Hindi pa rin ako lumabas sa aking pinagkukulungan. Pero ganun talaga ang life. Hindi ko pala talaga kaya siya tiisin kaya mabilis ako lumipad pabalik sa kanya.

itutuloy...........

I love you ipis ipis very much

ORGASM

Minulat ko ang akigng mga mata, Sa aking pagdilat natanaw ko ang hindi kilalang lugar. "nasaan ako?" Tanong ko sa aking sarili. Maya maya ay lumapit sa akin ang mga repipis ko na sina kulot,panot at singhot.
"Mga repipis? sabihin niyo nga sa akin. Nasan ako? At anung ginagawa ko dito? " Nagtataka kong tanong sa kanila.

"Lufet! Isang linggo ka ng comatose? " Sagot ni kulot

"ha? anung nangyari?" pabigla kong naitanong

"Tama ang narinig mo pareng repipis! Natagpuan kang walang malay sa may kusina.Buti nga at nailigtas ka namin agad. Aba! Muntik muntik ka na mawalis na wala sa oras." paliwanag ni panot habang nagkakambyo

"Teka! may naalala ka ba sa mga nangyari sayo?" Tanong ni singhot

Tumingin ako sa malayo. Iniisip ang mga bagay na nangyari. Hanggang sa bigla bigla na lang pumasok sa akin ang isang alaala.

Isang gabi, Tulog na ang mga tao at gising na ang mga ipis. May isang sigaw na narinig...

"waaaaaaaaaaaahhhhhhhh!!" Sigaw ni Intsikticide

"psssssssssstt honeybunch intsikticide, wag ka mag-alala ako ito si Lufet"" pabulong kong paliwanag

"Anak ka ng nanay mo!Hayup ka! Ikaw lang pala yan! anong ginagawa mo dito sa dis-oras ng gabi?" Pagalit na itinanong ni Intsikticide habang kitang kita sa mga mata niya ang pagbalik ng kapanatagan ng kanyang kalooban.

"hahaha hayup talga ako! Ipis ako diba? Andito ako para gapangin kita" pabiro kong isinagot

"Hahah ang galing palang manggapang ng mga ipis" Matawa tawang sabi ni intsikticide
"OO naman, Teka nasan na ba yun? Hindi ko makapa" Nagtataka kong tanong

"Lufet! AnubeEEEh!!nay kiliti ako diyan. Anu ba hinahanap mo?.." Kinikilig niyang sagot

" Yung ano mo! hehehe. Yung mahiwagang butas mo....Teka eto na ata yun....JAckpot!! Mahiwagang butas here i come...hehe" Excited kong isinigaw

After five minutes

"lufeeeeeeeeeeeeeeeeeeettttttttttt! ahhhhhhhhh! Eto naaaaaaahhhhhhhhh!! Eto tototoo naaaaaaahhh" gigil na gigil na sigaw ni intsikticide.

At naglabas ng kakaibang likido sa butas si Intsikticide straight to my face. At dun na nagsimula ang aking pagkahilo. Sinubukan kong makalayo pero bigla na lang nanghina ang aking mga pakpak at tuluyan ng nawalan ng malay.


itutuloy......

Ano?? Pag-ibig na naman!!!

Ayokong pag-usapan ang usaping puso,dahil nababaduyan ako. At dahil pakiramdam ko gasgas na gasgas na ang mga ito. Hindi rin ako gaanong nanonood ng mga “romantic movies" dahil kinakahon nito ang kaisipan at ideya natin tungkol sa pagmamahal. Mahilig ako sa musika pero napapansin ko halos lahat ng tugtugin ngayon ay puro kasawian at kabiguan ng pagmamahal. Tuloy binibigyan din tayo ng maling impresyon tungol sa pag-ibig.


Hindi ako nagbabasa ng mga romantic novel, dahil pakiramdam ko masyado nilang ine-exaggerate ang pagmamahal para lamang makabenta sila ng kanilang mga akda.

Sa matagal na panahon umiikot ang persepyon natin sa pag-ibig ayon sa napapanood natin sa pelikula, base na naririnig natin sa musika at mula sa mga nababasa natin sa mga nobela. Tuloy hindi na natin makita ang tunay na katotohanan tungkol sa pag-ibig.


Hindi ako perpekto sa larangan ng pag-ibig dahil ako man ay naging biktima nito.


1. Huwag mong ibase ang pag-ibig ayon sa iyong emosyon. Hindi ka nagmamahal dahil sa masaya ka at dahil sumasaya ka kasama nya. Dahil kung sakaling hindi ka na masaya kasunod din bang mawawala ang pagmamahal? Kung sakaling galit ka sa iyong minamahal kasunod na rin bang kasusuklaman mo ang pag-ibig? Ang pag-ibig ay isang pangako, na kahit ano pa ang emosyon mo mangangako kang mahalin sya at mananatili ka para sa kanya.

2. Huwag mong ipangsangkalan ang “pag-ibig” kaya ka naging miserable. Ito’y isang desisyon at hindi bunga ng pagkakataon. Kung nasaktan ka umiyak ka, walang masama sa pagiging malungkot pero ang ipamuhay ang kalungkutan sa ating buhay, iyon ang kailanman ay hindi nakakabuti sa atin.

3. Huwag mong mahalin ang isang tao sa mga bagay na naibigay/nagawa nya sa iyo, mahalin sya sa mga bagay na hindi nya kayang ibigay /gawin sa iyo. . Ang pagmamahal sa kanyang kakulangan ay pagbibigay ng pagkakataon sa iyong punuin ito para sa ikakukumpleto ng pagsasamahan ninyo.

4. Huwag kang maglagay ng panuntunan (standards) sa iba, lalo’t hindi mo alam kung naabot mo ang panuntunan ng ibang tao sa iyo.

5. Huwag kang magtakda ng obligasyon o responsibiliad sa iyong minamahal. Ang pagmamahal ay hindi isang obligasyon o tungkuling kaakibat ng pagmamal, kundi ito ay ugnayan sa bawat isa. Mula sa unawaan doon makikita ang limitasyon ninyo at mula sa pagkakaintindihan matuto kang maging responsable sa iyong minamahal.

6. Huwag sukatin ang tagal ng pagsasama base lamang sa pag-ibig, dahil ang sikreto ng matagal na pagsasama ay hindi lang nakukuha sa pagmamahal kundi sa “pagkakaibigan”. Na kahit wala na kayong pagmamahal sa isat’isa, mananatili pa rin kayong magkasama dahil sa pagkakaibigan na mayroon kayo.


7. Huwag mong sukatin o bilangin ang iyong naibigay para sa iyong minamahal. Dahil kaya tayo napapagod sa pagmamahal kasi binibilang natin ang lahat ng ating ibinigay at kinakalkula ang mga bagay na hindi pa naibabalik sa atin. Hindi nasusukat ang pag-ibig at lalong hindi ito nilalagyan ng presyo.

8. Huwag mong sabihing “mas mahal kita” sa iyong minamahal, dahil wala kayo sa isang kumpetisyon at huwag mong ikumpara ang laki ng pagmamahal mo sa kanya.

9. Huwag kang maglagay ng “expectation” sa iyong minamahal at huwag ka ring mapaghanap. Sa taong mapaghanap kailanman ay hindi makukuntento, ang taong laging naglalagay ng expectation sa ibang tao kailanman ay hindi masisiyahan.


10. Huwag mong ibase ang pag-ibig dahil lang sa ito’y masarap sa pakiramdam at dahil kinikilig ka. Dahil kapag nawala ang “kilig”mawawala din ba ang pagmamahal? Isipin din na hindi lahat ng “masarap” sa pakiramdam ay nakakabuti sa katawan.

11. Huwag mong sabihing “mahalin mo ako kung ano ako” dahil ang totoong nagmamahal ay nagbabago para sa ikabubuti at ikakagaganda ng iyong samahan.


12. Huwag kang magmahal ng higit pa sa iyong sarili. Ibigay ang nararapat at ibigay lang ang sapat (lalo't hindi nya hinihingi na magbigay ka ng labis). Baka sa huli ikaw ang mawalan . Tandaan ang lahat ng labis ay nakakasama.

13. Huwag mong paikutin ang mundo mo sa isang tao, dahil kung nawala ang taong iyon kasunod din bang pagtigil ng mundo mo? Malaki ang mundo para ipaikot ito sa isang tao. Maraming tao para mahalin, at maraming tao din para mahalin ka.

14. Huwag kang magmahal sa taong hindi ka kayang mahalin. Nauubos din ang pagmamahal lalo na't wala naman syang ginagawang paraan para punuin ito.

15. Huwag mong mahalin ang isang tao dahil lamang sa magagandang katangian nya, mahalin mo ang hindi magagandang nyang katangian ,tanggapin ito at ipamuhay.
.
.
HUWAG KANG MAIN-LOVE SA PAKIRAMDAM LANG NG ISANG TAONG INLOVE!!!
(kaya ka tuloy miserable ka pag-iniwan at kaya ka nabubulagan sa tunay na depinisyon ng "pag-ibig")

******************

Hindi ako naniniwala sa “One True Love”, dahil ang tunay na pagmamahal ay pwedeng makuha hindi lang sa iisang tao at lalong pwedeng kang magbigay ng tunay na pag-ibig hindi lang rin sa iisa kundi pwede rin sa marami,

Hindi rin ako naniniwala sa “Love at First Sight”, dahil ang pag-ibig ay hindi nakukuha ng biglaan. Itoy pinagsisikapan at pinagtutulungan sa pagdaan ng panahon. Ang tunay na pagmamahal ay makukuha rin sa pagpupursigeng paunlarin at pagyabungan ang pagmamahalan,

Hindi ako naniniwala sa kasabihang “Love is Blind”, dahil ang tunay na nagmamahal hindi mata ang ginagamit para makakita, puso ang tumintingin . Kaya nya minamahal ang isang tao hindi dahil bulag sya kundi malinaw ang mata nya para makita ang hindi nakikita ng ibang tao sa kanya.

Hindi ako naniniwala sa “Soulmate”,. Ang pagkakaroon ng isang minamahal ay mula sa ating desisyon at nasa atin kung sino ang pipiliin natin .Hindi ito tinakda at lalong walang pang magpapatunay na may naitakda na sa atin bago pa man tayo isilang. Binigyan tayo ng Dyos ng “free will” para tayo ang pumili para sa sarili natin, kasama na riyan ang pagpili kung sino ang makakasama natin sa buhay. Baka sa pag-aantay sa “Soulmate” na ito, hindi na natin mabigyan ang pagkakataon ang ating sarili na pumili kung sino ang ating mamahalin.

Hindi rin ako naniniwala sa “Destiny”, dahil ang bawat pagkakataon ay likha o bunga ng ating mga desisyon sa buhay. Tayo ang magdidikta ng kapalaran at tayo ang may hawak ng sarili natin buhay.

Marami akong ideya tungkol sa “pag-ibig” na marahil iba ito sa karamihan. Maaari ring marami ang tumaas ng kilay. Pero hindi ko naman pipilit ito sa inyo. Nasa atin naman yun kung ano ang nakakabuti sa atin at kung ano ang hindi. Tayo pa rin ang magdedesisyon kung ano ang papaniwalaan natin.
Iiwanan ko sa iyo ang kahulugan ng pag-ibig na nakasaad sa bibliya, sana magamit natin ito para lalo nating maintihan ang kahulugan ng “pag-ibig”



Maraming salamat at Maligayang Araw ng mga Puso.

ITANONG MO KAY DOC. LENG

Dahil BALENTAYMS DEY ngayon, syempre usaping puso ang pag-uusapan natin. Dahil medyo allergic ang iba sa aking pagkaseryoso mode eh medyo “PA-COOL” muna ako! Kaya ibinabalik ko ang aking isa pang katauhan si………..tenen……………… DOC. LENG (pangalan palang baduy na baduy na!Tae!).

DOC LENG: Magandang umaga/Tanghali/Gabi (wateber) sa inyong lahat, at narito na naman po tayo sa ating palatuntunang………………… ITANONG MO KAY DOC.LENG (Tae ang korni talaga).

Okay bukas uli ang linya ng telepono para sa mga may problema sa usaping puso dahil araw ng mga puso ngayon.


KRINGGGGGGGGGG ( aba’y kay bilis namang magring)


Caller 1: Doc, may problema po ako ngayon, kasi po iniwan ako ng boypren ko at pinagpalit ako sa iba. Ano po ba ang gagawin ko para mapabalik sya sa aking piling ? (singhot uhog, singa panyo )


DOC LENG: Iha !ang isang taong umalis na, tyak magfefeeling importante yun kung pipilitin bumalik sya sa piling mo. Baka lumaki ang ulo nya at isiping kamukha nya si Brad Pitt (Kapal ng mukha nya) .Kapag lagi mong pinipilit ang isang tao sa isang bagay laging NAGPAPAKAPAMPAM at lalong MAGEEPAL yan(Tae sya!) Kaya kung ako sa iyo, hayaan mo na lang sya. Kung ang pusa nga kahit iligaw mo nakakabalik pa sa bahay eh yung boyfriend mo pa kaya. Kaya babalik yan kung gusto nyang bumalik .Nasa iyo rin kung gusto mo syang tanggapin o hindi, pero kung ako sa iyo gagawin ko na lang SIOPAO yang boypren mo!!Yun lang IHA!


Caller1: Salamat po Doc, at Doc hindi po ako IHA, IHO po ako!


DOC LENG: Okay payn!Madali akong kausap


KURINGGGGGGGGGGG ( naks may second caller na!)

Caller2: Doc, pwede po bang magtanong?

DOC LENG: Eh nagtatanong ka na kaya, Adik ka ba? Sige ano tanong mo IHO?IHA? (nanigurado)


Caller2: IHO po! Ano po ba ang mabisang paraan para magustuhan ako ng mga babae?


DOC LENG: Okay ganito yan, gwapo ka ba?kung hindi ka gwapo, magpakyut ka! Kung hindi ka kyut magpacharming ka!Kung hindi ka charming, maging mabait ka! Kung hindi ka mabait, maging respansable ka. Kung hindi ka responsable……………………………………….magpatawa ka na lang! basta magpatawa ka, kahit hindi ka nakakatawa basta magpapatawa ka!Pleaseeee!


Caller2: Sige po Doc, magpapatawa na lang ako tutal kalbo naman po ako.

DOC LENG: Tsk tsk tsk KORNI , (Lord have mercy!) Next caller please……..


KURIRINNGGGGGGGGG


Caller3: Doc, paano mo malalaman kung inlab ka?

DOC LENG: Ganito, inlab ka kung sakaling iipunin nya sa kamay ang utot nya sabay iipapaamoy sa iyo at sasagot kang “ANG SWEET mo naman”. Inlab ka nun! Kung sakaling dumighay sya ng ubod ng lakas habang nakaharap sa iyo pagkatapos kumain at sasagot ka ng “HAY ang kyut naman ng SOUNDS!”, Inlab ka nun. Kung sakaling mangulangot sya at pinitik sa iyo ang binilot na kulangot at sa sasagot kang “ Ikaw ang lambing lambing mo sa akin!!” Inlab ka nun. At kung sakaling minumura ka na at sinasaktan ka nya…… hindi na lab yun!Kamartiran na yun! At masyado na syang abusado!Kaya wag kang masyado paabuso! (Tampalin mo sa nguso para magtanda!)


Caller3: Tenks Doc,palagay ko inlab nga ako!

DOC LENG Bakit naman?

Caller3: Dahil lahat yan ginagawa ng boypren ko sa akin!


DOC LENG: Ganun! Langya. Singkit ikaw ba yan?Tae naman oh! bakit tumawag ka pa dito! Sayang ang load!Sana pinasaload mo na lang sa akin, Tange!


Caller3: Si Doc. naman!At least alam ko na LAB nya ako kaya nya yun ginagawa sa akin!
.
DOC LENG: Utot mo blue!
.
.
KURIRINGKURIRINGGGGGGGGGGGG (buti may tumawag uli!)
.
.
Caller4: Doc, sino po ba nag-imbento ng balentayms, kailan ang unang balentayms, at ano po ba ang balentayms
.
DOC LENG: Ahhhhh........ ang labo ng signal mo iha, ulitin mo nga! (drama na lang di ko alam sagot eh)
.
Caller4: Doc, sino po ba nag-imbento ng balentayms, kailan ang unang balentayms, at ano po ba ang balentayms
.
DOC LENG: ahhh choppy -choppy ang linya!!
.
Caller4: Gwapo nyo Doc!
.

DOC LENG: Salamat sa papuri mo matagal ko ng alam yan!
.
Caller4: Kala ko ba choppy linya ko bat narinig nyo yun!
.
DOC LENG: Ano ulit yun! Sorry choppy talaga.........toootttttt....tooottttt (bwisit na yun ano akala nya si Erni eBaron ako!buti magaling ako sa drama!hehehe)


KURRINGGGGGGGGGGGGGGG !! !............Yung kape ko nasan na!! (sori di telepono iyun, pangalan ng P.A ko si Kuring)


Okay tapos na naman po ang isang edisyon ng “ITANONG MO KAY DOC.LENG” Sana naibigan nyo ang aking palatuntunan. Ako'y iinom muna ng kape kasi puyat na ako kakatulog.
Maraming salamat kay Aldrino sa pagbibigay sa akin ng espasyo sa kanyang blog.



Okay back to you ALDRINO
(Ako na ito)


Huwag kayong magpapaniwala kay DOC LENG, nagpapadiscover lang yan! Kaya nagpapakabibo kasi masyadong nag-aambisyong sumikat! Kaya wag gagaanong pansinin yang si Doc!

Iyon lang at maraming salamat!

HAPI BALENTAYMS!

HUMORSCOPE

Sagittarius (Tikbalang o kabayong Potro)


Iwasan ang paggastos kasi baon baon ka na sa utang, aba kapal peys ka pang utang ng utang.


Paalala: Ang credit card ay binabayaran din, kaya wag mong isipin na libre ang mga pinamili mo pag gumamit ka ng credit card


Lucky Colors: White (paghinahabol ka ng pinagkakautangan mo gamitin mo ito para ka sumuko)


Lucky Number: 9 (pag nanalo ka sa lucky 9, ipambayad mo na ng utang)


Capricorn (Ang sirenang kambing)


Mahuhuli ka ng misis mo na nangangaliwa ka, okay lang sana kung si Mare ang tinangay mo eh kaso si PARE pala ang kinakasama at kinakalantari mo ngayon.


Lucky Color: FUSYA, este FUSHHHSIYA, mali este FUSSSSHIYA, naku RED na lang


Lucky Number: 11 (uhmmmm, kasi espadahan)


Aquarius (NAWASA)


May good new at bad news ako sa iyo;


GOOD NEWS: Makapag-abroad ka na rin sa wakas, dahil ito ang matagal mo ng pinapangarap


BAD NEWS: Kaso makalipas ng 5 araw babalik ka ulit sa Pilipinas, recession kasi ngayon kaya nagsara yung pabrikang pinapasukan mo


Lucky Color: Brown (kulay yan ng kamote, simulan mo ng magtanim kasi wala ka ng trabaho)


Lucky Number: 5 and 6 (ang taong gipit sa payb siks lumalapit)


Pisces(ang sign ni NEMO)


Maswerte ka kasi makakapag-asawa ka ng mabait , mayaman at gwapo. Kaso yun nga lang sya naman ang minalas kasi ikaw ang napapangasawa nya.


Lucky Color: Black (kasi hanggat bulag sya sulitin mo na)


Lucky Number: 0 (zero, as in wala akong maisip kung bakit swerte yan sa iyo)


Aries (Kalderetang Kambing)


Tatama ka sa Lotto ng tatlumpung milyon, pagkatapos mapropromote ka pa sa trabaho at magiging mabait sa iyo ng misis mo. Kaso bigla ka na lang magigising at malalaman mong panaginip lang pala ang lahat.


Lucky Color: Yellow (Yellow, sino po sila?)


Lucky Number: 8 ( walong stars ang makikita mo kung hindi ka pa rin makakakita ng trabaho)


Taurus (Argentina Corned beef))


Magiging maganda ang araw mo ngayon, yun nga lang magiging maulan pala at hindi sisikat ang araw kaya Pangit pala mangyayari para sa iyo ngayon. Sorry!!!


Lucky Color: Kulay Tae (pangalan pa lang mukhang maswerte na!!)


Lucky Number: 7 (pitong araw uulan kaya wag ng umaasang maganda ang linggo mo)


Scorpio (may sabit este may sipit)


Magtatalon ka sa sobrang tuwa kasi magkakaroon ka na ng baby at kambal pa, kaso bigla ka na lang magagalit kasi BAOG ka nga pala


Lucky Color: Blue (kasi mangangasul sa pasa ang asawa mo kung magkataon)


Lucky Number: 2 (kambal kasi ang anak mo eh, eh sorry baog ka nga pala)


Cancer ( pinakawawang sign kasi may sakit agad)


Iwasan magagalit ngayon kasi baka atakahin ka sa puso, kaya panatiliing laging kalmado. Oo nga pala yung asawa mo sumama na sa ibang lalaki, tapos yung anak mong dalaga buntis at yung paborito mong sapatos ningatngat pala ni bantay.

Lucky Color: Violet (kasi mukhang ibuburol ka na sa natuklasan mo)


Lucky number: 3 (wala lang bigla ko lang naisip ang number na yan)


Leo (Pusang pampalaman sa siopao)


Matutuwa ka kasi nagpa-tattoo sa braso ang anak mong si Junior na pinagdududahang bading, kaso magugulat ka nalang kasi si HELLO KITTY pala ang design ng tattoo nya. Dahil dito it’s CONFIRM!!


Lucky Color: FINK (may lambing sa dulo)


Lucky Number: 10 (mahilig kasi sa unat at bilog)


Virgo (ang sign ni Madonna “like a virgin, touched for the fifty first time”)


Isang pangyayari ang hindi mo inaasahan na mangyayari sa iyo. Pag utot mo nagulat ka na lang na parang nabasa ang underwear mo, at pagsilip mo, nakikita mo may kulay brown (yaks, pururot)


Lucky Color: Red and Yellow (Kulay ng Jollibee at ng McDo, dyan ka tatae pag emergency)


Lucky Number: 1, 2, 3, sabay ire.


Libra (kilohan)


Pupurihin ka ng teacher mo kasi nakarami ka ng yema sa klase. At dahil komo paninda nya yun may plus 5 ka sa periodical exam mo. Bukas maghanda sa isang mahalagang project uli ng teacher, mabuti mag-ipon sapagkat tocino at longanisa naman ang ititinda nya.


Lucky Color: Red uli (kulay ng longanisa at tocino)


Lucky number: 5 (laging iyan ang plus mo)

Gemini (da best na sign)


Magiging maswerte ka sa buong taon,yayaman ka at pinakagigiliwan ka ng lahat ng tao. Isinilang kang mabait, masipag at higit sa lahat cute


Lucky Color: lahat ng kulay maswerte sa iyo


Lucky Number: lahat ng number maswerte din


Hahaha, wala pakialamanan eh birth sign ko yan eh!!Eh kung inggit ka, e di gumawa ka ng sarili mo!heheheh

KONG HEI FAT CHOI TABATCHOY!

Wow! Chinese New Year na naman! Medyo namimiss ko tuloy yang TIKOY, HOPIA (Eng bee ten lang ang kinakain ko), at mga MOONCAKES. Tyak napakaswerte mo kung magsusuot ka ng panty o brief na kulay RED. Alam nyo ba na ang kulay pula, ay kulay na nakaka-L (libog). Ayon yan sa mga scientist na mae-el na aking natsismisan nung isang araw. Totoo yan pwamis!


Okay back tayo sa Chinese New Year, kung hindi nyo naitatanong eh , isinilang ako sa Year of the Dog. At ayon sa aking nabasa ang mga isinilang sa “Year of the Dog” ay mga mukhang aso este mga “loyal” daw. Okay kapani-paniwala naman yang katangian na yan dahil nga …ehem… loyal ako. Kaya kung pagbabasehan ang mga katangian ng tao ayon sa katangian ng hayuppppppp (may poot??) na sumisimbulo ng taon ng kapanangakan nila, marahil ganito yun


YEAR OF THE….


Dragon- Mainit ang bunganga (madaldal), magagalitin (dragon nga eh), at mukhang hito (dahil may bigote)

Horse – sila yung mga bayolente (dahil laging naninipa), mga mahihilig sa sports ( lalo na sa track and field) at mae-EL (totoy mola ikaw ba yan?)

Monkey- mga mandurugas ( lagi kasing nangdedenggoy), matatalino (matalino man ang matsing, matsing pa rin), at palabiro (monkey monkey Anabel, Anabel!!).Kumokorni ka na naman.

Pig – Mga mahihilig sa pagkain (pinagandang salita sa word na “masisiba”), mga makakalat (baboy nga eh), at ubod na babait na tao (pambawi lang!hayan pinuri ko na kayo ha! Kwits na tayo)


OX (parang kalabaw yan di ba?)- mga masisipag (naks ganda ng umpisa), matyatyaga (heto pa uli) at mahihilig sa Marijuana ( eh di ba mahihilig ang OX sa damo? Ang mais ko grabe)


Rabbit (taon ngayon yan) - tulad ng horse maee-EL din sila (di na kailangan ng proof), mga kyut sila at malalambing (yung mukhang uto-uto lang) at sila ang mga taong malalaki ang….. IPIN sa gitna.

Rat – mga poor (joke lang), mga matatalino din (yung TUSO ba!), at mga maliliksi

Rooster – sila yung mga maagap ( laging nauuna sa bilihinan ng NFA rice), mga madadaldal (putak ng putak) at mga matatapang (lagi kasing pinangsasabong)

Sheep – Mga mababait na tao ( naks, parang tunay), mga tahimik (kahit hipuan mo di yan iimik), at hindi gaanong mga pakialamero/pakialamera (basta mind your own business ika nga)


Snake- Ayokong magsabi ng kung ano ano dyan dahil hindi magaganda ang naiisip ko!Pero ang magandang katangian nila ay ano….. basta.. ano… basta…. Basta!

Tiger– mga matatapang (mala tigre nga eh), mga malalambing pero pag nagalit lagot ka, at higit sa lahat…… mahilig sa damit na kulay pink.

Dog (Year ko ito) - Loyal, mabait, kyut, mapagkakatiwalaan, at wala akong maisip na panget tungkol sa kanya (bakit ba year ko ito at blog ko ito!walang pakialamanan! Kung may reklamo ka pumunta ka sa presinto o gumawa ka ng sarili mong blog at purihin mo ng purihin ang sarili mo!okay!)

Oo nga pala mga kautak, wag nyong masyadong seryosohin ang sinabi ko sa itaas. Biro lang naman yan! Pero kung nagagalit ka sa mga sinabi ko sa itaas at masyado kang apekted dyan........ ang masasabi ko lang ay .................

Ngayon kung hindi mo naman ugali yung nasa itaas, at magaganda pala ang katangian mo talaga ! okay payn….. .....ikaw na ang perpekto!! Ikaw na ang peyborit son/daughter ni Papa Jesas.

Alam nyo medyo nagtataka lang ako kasi bakit walang Year of the Elephant, Year of Zebra at Year of the Giraffe (ito ang tamang pagbigkas nyan. JI-RAP-PI). Bakit kaya napili yang mga animal na yan na nasa itaas? Ano kayang kwalipikasyon ng mga Chinese Astrologer na ito para mapasama dito?At bakit hindi nila sinama ang peyborit animale ko! Bakit kaya??Wala lang! naitanong ko lang naman!Masama??


Yun lang po KONG HEI FAT CHOI!!!!
Ingat lagi,

Paghahanap ng Kaligayahan

Minsan mag-iisip ka bakit tila napakailap ng kaligyahan? Bakit tila hindi rin pangmatagalan ang ligaya? Ano ba ang sukatan ng kaligayan? Ano ba ang anyo nito?


Tila napakahirap sagutin ng mga tanong na yan? Tingin natin tila napakalawak ng salitang “KALIGAYAHAN ”. Sabi nila hindi nating pwedeng pangarapin ang kaligayan dahil hindi ito pemanante sa mundo. Wala ring pormula ng kaligayahan dahil nababatay ito ayon sa sukatan o pamantayan ng isang tao.

Noong tayo’y musmos pa, hindi ba sa isang supot lamang nang kendi sapat na para maramdaman natin ang lubos na kaligayahan. Subalit bakit sa pagdaan ng panahon tila hindi na tayo kaya pang mabigyan ng kaligayan ng isang supot ng kendi. Maari kaya na ang kaligayahan ay batay sa kaalaman o utak ng isang tao? Na habang tumatalino ang tao nagiging kumplikado ang pamantayan ng kaligayahan nito?

Lahat ng tao nagnanais maging masaya. Hindi ba? Pero paano ba nating sisimulan ito? Kailangan ba nating makuntento bago lumigaya, o kailangan nating maging maligaya bago makuntento?
.
Sa aking paglalakbay sa mundong ito at pagtatanong sa ibang tao, lagi kong naririnig, “GUSTO KO LANG NAMANG MAGING MALIGAYA!” Sino bang nilalang ang ayaw nito? Subalit paano mo hahanapin ang isang bagay kung sa iyong sarili hindi mo naman alam kung ano ang iyong hinahanap. Ni hindi mo alam kung paano maipapaliwanag ang pakiramdam ng kaligayahan? Makikita ba ito sa tamis ng iyong ngiti? Maririnig ba sa lakas ng iyong halakhak?O mararamdaman ito sa pamamagitan ng paglutang ng kaisipan at paghihiwalay ng iyong kaluluwa sa iyong katawan? Paano mo ito maipapaliwanag?Alam mo ba?

Ang KALIGAYAHAN ay isang emosyon, at ang emosyon ay nagbabago. Ang emosyon ay hindi hinahanap, kusa itong nararamdaman base sa sitwasyon. Ang sitwasyon ay paiba- iba bawat segundo at ito’y naaayon sa iyong kapaligiran.Ang kapaligiran ay sumasabay naman sa pag-ikot ng mundo. At ang mundo ay patuloy na iinog at hindi titigil kahit kailanman. Kaya ang KALIGAYAHAN ay patuloy na nagbabago, nag-iiba ng anyo, nagpapalit palit ng kahulugan, hindi pangmatagalan at sumasabay sa pag-ikot ng mundo.. Hindi sya pwdeng tanungin ng ANO, BAKIT,PAANO, SINO,SAAN ,KAILAN, ALIN o tanong na nalikha sa mundong ito dahil walang tamang sagot dito, walang partikular na kasagutan at lalong walang permananteng tugon dito. Nagbabago ang sagot ng tao at paiba-iba din ang sagot nila kahapon, ngayon, bukas at sa makalawa.

Totoo ngang nakakapagod hanapin ang kaligayahan dahil maaring naman wala tayong dapat hanapin o hindi naman talaga dapat ito hinahanap. Dahil tulad ng sipon, ubo,lagnat at iba pang sakit pasulpot sulpot lamang ito, nawawala at bumabalik muli.Lumilitaw sa hindi inaasahang oras at nagpaparamdam sa biglaang pagkakataon.
.
Bakit hindi na lang nating hayaan na ang KALIGAYAHAN ay dumampi sa ating mga puso na parang isang malamig na hangin lamang. Damhin ito hanggang sa huling paghaplos nito sa iyong balat, lasapin ang kahuli-hulihang lamig na kayang magbigay sa iyo na panandaliang pagkalimot sa iyong kamalayan. Huwag hawakan dahil kusa lamang itong aalpas sa iyong mga kamay at kahit gaano mo pa asamin na itago at ipunin ito, mawawala na lamang ito sa isang iglap. Hayaan na lang na siya ang yumapos at humagkan sa atin dahil baka sa paaatubiling panghawakan ito, nawala sa atin ang oportunidad na maranasan ang bawat pag-ihip ng malamig na hangin . At mangarap na lamang na muling makadaupang palad ang malamig na haplos ,intayin ang pagdampi ng ihip ng hangin at umasang maramdaman muli ang pagkakataong minsan lamang dumating sa ating buhay. Hanggang sa huling hibla ng hangin at hanggang sa huling pagyapos ng KALIGAYAHAN sa ating buhay......
.
.
When one door of happiness closes another opens; but often we look so long at the closed door that we do not see the one which has opened for us.--Helen Keller .
.
Ingat