Ang Aking Plano sa 2011

After ko nang mareview kung ano ang mga nangyari sa taong 2010 ko, ito naman ang pagkakataon ko para mag-ekspek ngayong 2011. Ito sana ang gusto kong mangyari,

Heto na basahing mabuti habang nangungulangot ka..
1. Mataasan na ako ng sweldo.

Dahil hindi na rin ako pinayagan ng boss ko na lumipat ng ibang kumpanya (or else magtatanim na lang ako ng kamote sa bundok), eh ine-ekspek ko naman na kahit papaano ay tataasan nila yung sweldo ko (para may pambili naman ako ng IPHONE). Medyo malaking maitutulong yun sa aking mga gatusin sa buhay ( telephone bill, pagkain). Hindi naman ako maluho, gastador lang talaga ako.

2. Makalipat pa rin ako ng ibang kumpanya at bansa na rin kung pwede

Walang nangyari dito dahil nandito pa rin ako sa UAE at nandito pa rin ako sa company! Ibig sabihin nyan isa akong pusali o stagnant water! I need to grow naman kahit papano sa aking propesyon, at medyo kumita ng 3 libong dollar buwan buwan.hahahha!! Gusto ko rin makalipat ng Bharain, Qatar o kaya Japan.

3. Bakasyon Grande

Nung last April masyadong limited ang time (pati budget) limited ang budget lalo pat akala ata ng lahat ng kamag-anak ko ay marami ako dalang pera! Kamusta naman yun! Pero naenjoy ko ang last vacation ko kasi ang dami kong napuntahan mga night club hhahaha


4. Mag-iipon at magtatayo ako ng business

Kahit man lang pataniman ng kamote wala ako! Hindi ako nakapag-ipon dahil ubod sa dami ng gastos, at isa pa masyado akong galit sa pera at ayaw ko syang makita sa wallet ko kaya pinambibili ko na lang sya!

5. Lovelife

sana mag karoon na ako ngayon kasi masyadong makulay ang lovelife ko na parang crayons lang!No need to explain this further dahil masyadong marami para ikwento, hayaan nyo irerequest kong gawing movie, ang title “Aldrin’s Scandal”hahahaha pero I need to move on. (Nice drama, pwede nab a akong artista). Kaya kailangan ko ng isang babaeng papawi sa aking lungkot at lumbay, magpapasaya sa buhay ko at sasalubong sa akin tuwing uuwi ako ng bahay (teka babaeng aso ba ito). I really need a GF right now, kaya kung gustong nyong mag-aapply eh sabihin nyo na, wala akong qualifications or requirements, basta ang mahalaga ay babae ka!! (pero kung sasamahan pa ng kagandahan at kaseksikahan, eh wala ng tanong tanong ,tanggap na agad). Pero seriously, sana makita ko na yung RIGHT WOMAN por me.



6. Pagbutihan pa ang aking pagsusulat

Hindi umabot ang entry ko sa Palanca (dahil nagbakasyon ako), nasali ako sa Philippine Blog Award kaso hanggang nominee lang. Sumali ako sa PEBA (Pinoy Expat Blog Awards) pero siguradong talo yun hahahaha, kung hindi next year na lang, subok pa uli.

7. Maraming marami pang prens

Sana ay marami pa akong makilala at maging kaibigan lalo na sa mundo ng internet, kasi exciting. Medyo ingat ingat na rin ako sa pagbibigay ng sobrang importansya sa kaibigan kasi sa huli iiwan at tatraydurin ka rin naman. Medyo lalo ko pang pagaganahin ang ESP ko para makilala ko ang totoong kaibigan at ang hindi. At higit sa lahat medyo palalawakin ko pa ang aking network para naman kahit saan ako mapunta eh may kaibigan ako dun (na pwedeng kang patulugin sa bahay at pakainin ng chibog ng libre)


-END-


Marami pa akong gustong mangyari ngayong 2011. Alam kong maraming mga supresa ang unti unting mabubunyag habang tumatagal. Sana nga maabot ko ang gusto kong mangyari ngayong taon na ito, pero kung hindi naman okay lang din. Sa susunod na taon, titingnan ko uli kung alin dito ang natupad at alin ang hindi. Sabi nga nila hindi mahalaga kung ano ang narating o nakuha mo, ang mahalaga ay kung gaano karaming tao ang natulungan at nabago mo ang buhay. Hindi rin mahalaga kung gaano ka madalas manalo, pero kung gaano ka katatag na tumayo pag natalo o nabigo.


Marami akong natutunang noong 2010, at maaring iapply ko yun ngayon 2011. Alam kong hindi ako pababayaan ng Dyos at lagi syang nakaalalay sa akin. Nandyan din ang pamilya ko na “SOURCE” na aking kaligahayan, kaya nararapat lang din na bigyan ko sila ng saya.
Ang drama ko noh(and the best actor award goes to me)!! Sige na nga, sana samahan nyo uli ako sa 2011

Namamasko po

Masarap maging bata, lalo na kung Pasko, at alam mo na yung bakit? Dahil maraming pera (Aguinaldo) at maraming regalo. Syempre pagkakataon mo ng gumimik para kumita ng marami, kaya naman kahit fourth year high school na ako eh,,,,, namamasko pa ako (pakialam nyo ba!!) Kaya narito ang mga tatktika para makarami ng Aguinaldo.


Magpapansin sa Ninong at Ninang- Kapag dumating na December 1 subukang itext na sila Ninong at Ninang ng mga “quotes” at “jokes”. At subukan din itext ng “kumain na po ba u?”, “have a gud day po” at kahit ano pang pang-uutong text.


Sumama sa mga kapatid- Maging chaperon ng iyong kapatid kapag mamasko sa mga Ninong at Ninang nya, tyak kahit papano ay maambunan ka kahit 20 pesos at libreng chibog pa (subukan din magdala ng supot para mag-uwi ng prutas)


Mamasko ng maaga- Dahil karamihan sa iyong mga Ninong at Ninang ay busy (kakatago), mamasko ng maaga,yung tipong magkakagulatan pa! Tyak naman may mahohold-up este may makakuha ka sa kanila kasi naibigay na ang mga bonus nila.

Bigyan ang Ninong at Ninang ng card- Dahil mahal ang regalo, card na lang (minsan na pi-free lang ito sa mga krispap), maglagay ng emo message at ibigay ito sa mga Ninong at Ninang. Aakalain nila na sobra mo silang naaalala at maiisip din nila na hindi lang ang Aguinaldo ang habol mo. (Pero pautot lang yun ang totoo, taktika mo yun para lakihan nila ang bigay)


Tandaan umalis ng gutom – Dahil ang lahat ng tao ay may handa, tyak aalukin ka ng mga Ninong at Ninang mong kumain ng halaya (na lasang pandikit), buko salad (na walang buko puro gulaman), spaghetti (may anemia) at kung ano ano pang pagkain. Nakakahiya naman na pera lang ang habol mo sa kanila kaya pakitang tao ka na rin, at ipilitin itong isaksak sa iyong bunganga. Purihin ang handa ng iyong Ninong at Ninang at sabihing masarap kahit lasang puwet naman ito dahil tyak dadagdagan nila ang Aguinaldo mo.


Pwede pera na lang po – Dahil mauutak na rin ang mga Ninong at Ninang mo, bibili lang yun ng generic na regalo (o regalong hindi pinag-isipan tulad ng panyo, mug, bimpo at etc), Kapag inaabot na ang regalo sa iyo ng mga Ninong at Ninang magmatigas na huwag na lang dahil nahihiya ka at hindi naman dahil sa regalo kaya mo sila dinalaw (tae ka, plastikkkkkk!!). Gamitin ang linyang ito “Ninang/Ninong, hindi po okay na po ang makita kayo, medyo baka di ko kayo makita next year dahil magtatrabaho po muna ako, medyo wala na po kasi akong pera ngayon eh!” (tandaan diinan ang pasasabi ng pera). Siguro hindi naman bato ang Ninong at Ninang mo para hindi nya makuha na..................................mukha kang pera.


Prrrrrrrrrttttttttttttttttttt


Tama na muna ako, bibitinin ko muna kayo…. Noong nakaraang Pasko kasi dito wala kaming Christmas tree sa flat namin . Kaya halos tumulo ang sipon ko sa lungkot dahil walang Pasko dito. Walang Christmas light, parol, simbang gabi , bibingka, nangangaroling at kung ano ano pang pampasko(dahil nga Muslim Country nga ito)


Tandaan, hindi nasusukat sa halaga at ganda ng regalo ang pagmamahal natin sa ating kapwa. Itoy batay sa laki o dami ng pagbahagi ng sarili sa bawat regalo natin sa iba katulad ng pagbabahagi ng ating Dyos sa atin ng isang napakahalagang regalo sa buong sangkatauhan, ito ay walang iba kundi ang kanyang bugtong anak na si Hesus. Na kung saan dahil sa Kanya kaya tayo may Pasko. Kaya ibahagi ang ating sarili sa ating kapwa at mahalin ang bawat isa.


"The mystery of the Holy Night, which historically happened two thousand years ago, must be lived as a spiritual event in the ‘today’ of the Liturgy. The Word who found a dwelling in Mary’s womb comes to knock on the heart of every person with singular intensity this Christmas." - Pope John Paul II


Sa nais magpadala ng regalo, greetings, Aguinaldo, mensahe o death threat (meganun) pakisend lang po ito sa aking email (YM na rin) na aldrin.apan82@yahoo.com;


Iyon lang , maraming salamat sa inyong lahat at Maligayang Pasko.

Simpleng Wish ko Ngayong Pasko

Hindi ako magwi-wish ng “WORLD PEACE”, dahil kaplastikang sagot yan lalo pa’t wala naman tayo sa beauty contest . Ayaw ko ring magwish na manalo sa Lotto, dahil di naman ako tumataya dyan. Ayaw ko ring magwish para sa ibang tao, dahil may mga wishes din naman sila, at tyak din na hindi naman nila ako isasali sa wish list nila!Hehhee!
Kaya siguro nararapat lang na magwish ako para sa sarili ko. Ito’y mga simpleng WISH LIST lamang ngayon PASKO.
.
WISH KO NA………………….
.
1.Sana may mangaroling sa tapat ng bahay flat namin dito sa UAE, kahit bato at tansan lang ang dala nila at wala sila sa tono masaya na ako dun.
.
2. Sana maranasang ko ring makipagsiksikan sa mga mall dahil sa Christmas Rush at pumunta sa mga tyangge o bazzar at mamili ng regalo para sa mga kapamilya, kaanak at kaibigan ko.
.
3. Sana nahihirapan akong gumising tuwing umaga para magsimba tuwing Misa de Gallo, at piliting makumpleto ang siyam na umaga/gabi.
.
4. Sana makita ko sa personal ang naglalakihang Christmas Tree sa Cubao, o di kaya tumambay sa Greenhills para manood ng COD tuwing alas-syete ng gabi at panoorin ang naglalakihang parol ng Pampanga.
.
5. Sana makakain ako ng bibingkang maraming itlog na maalat sa ibabaw, uminom ng mainit na salabat at malasap ang puto bumbong na nag-uumapaw sa niyog.
.
6. Sana maka-attend ako sa mga Christmas Parties ng kumpanya o reunion naming magkakaibigan , kahit hindi na ako manalo sa mga raffle at sa mga parlor games.
.
7. Sana magkapagvideoke kaming magkakapatid kahit alam kong si Ate lang naman ang madalas kumuha ng mic at bumirit ng “You are my Song” ni Regine.
.
8. Sana biruin ako ni tatay na may regalo na daw si Santa Claus sa sinabit kong medyas sa bubong.
.
9. Sana gisingin ako ni nanay kasi Noche Buena na.
.
10. At Sana…… Sana….. SANA KASAMA KO SILANG NGAYONG PASKO.
.
Para sa maraming Pilipino ito’y isang wish list na hindi na dapat pangarapin, kahilingan hindi naman binibigyan ng napakalaking importansya. Pero sa tulad kong malayo sa pamilya at ninirahan sa bansang walang Pasko, isa itong kahilingan na alam kong hindi naman matutupad ngayon Pasko. SIMPLE lang naman ang aking mga hiling. SIMPLE lamang ang aking mga gusto . SIMPLE………………….. subalit tila napaka-imposibleng mangyari sa akin ngayong Pasko.
.
Mahirap magsabit ng parol sa bintana dito dahil baka mahuli pa ako ng mga pulis. Mahirap bumati ng “Merry Christmas” dahil hindi naman nila pinagdiriwang ang araw na iyo. Mahirap kumain mag-isa kapag Noche Buena dahil tila walang lasa ang mga pagkain dito. At lalong mahirap din isipin na pumapatak ang luha ko dahil sa pangulila at lungkot imbes na maging masaya, dahil alam kong karamihan sa pamilyang Pilipino ay magkakasama sa napakasayang araw na ito.
.
Ang Pasko dito sa UAE ay tila ordinaryong araw lamang, pero sa akin isa itong araw na mas nararamdaman kong NAG-IISA AKO.
.
Tama na nga yan, baka umagos pa ng luha dito sa computer ko!Hehehe!
.
Yan lang naman ang kahilingan ko ngayong Pasko at Maraming Salamat.

BLOG BLOG BLOG (tunog ng taeng sabay sabay nahulog sa inidoro)

Minsan ayaw ko ng magsulat ng seryoso, kasi wala naman sumeryoso sa akin. Hahaha…

Alam nyo ba may mga bagay na matagal ko ng iniisip, halos lagi itong gumulo sa aking isipan kaya sana matulungan nyo ako dito:

1, Ano ba ang tagalong ng cake? (utang na loob wag nyong sabihing ganito ang tagalog nito – keyk)

2. Ano naman ang ingles ng nanghihinayang (uhmm hindi na pwede ang tsk tsk tsk)

3. Ano naman ang tagalong ng ice candy? (yelong minatamis ba?) eh ang ice buko? (yelong buko?)

4. Bakit ang tagalong ng honeymoon ay “pulot-gata’, eh diba ang ingles ng gata ay “coconut milk” at ang tagalong anman ng moon ay “buwan”. Kaya dapat kung hindi honeycoconutmilk eh dapat pulotbuwan.

5.Paano mo tatagalugin ang salitang Appliances,Computer o Electronic, sa isang salita lang at hindi ka todong nag-eexplain?

6. Bakit masarap ang betsin? At ano ang lasa nito? (hirap noh.parang rugby mabaho pero masarap. Adik???)

7. Bakit ang langgam mahilig sa matamis, eh wala naman silang dila? Hindi kaya nasisira ang ipin nila? Saka paano nila nalalaman hindi asukal ang iodized solt (ako nga nagkakamali eh sila pa ! hindi kaya mas amatlino sila kesa sa akin???)

8.Baket ang “tae” saka ang “ tae ng kalabaw” pag iningles mo mura ang kinakalabasan (shit at bullshit). Kaya pag tinawag kang “shit” o “bullshit”, sagutin mo ng “ikaw mukhang kuyukot” o di kaya sigawan mo ng “ langeb, langeb, langeb” sabay belat. (teka ano nga ba ang ingles ng kuyukot at langeb???)

9. Bakit pusod natin mabaho? (sige subukan mong kalikutin ang pusod mo saka mo amuyin? Ano amoy???)

10. Pag ang dalawang tao nagyayabangan ang sinasabi natin “nagpapataasan sila ng ihe”, eh pa gang dalawang babae nagyayabangan pwede rin ba nating sabihing “nagpapataasan ng ihe??? (paano kaya yun?)

Kunti lang yan dami dami ng mga bagay na gumugulo sa aking malabnaw na utak. Sana matulungan nyo masagot ang mga bagay na ito. Para mapabuti ko at umunlad ang aking buhay. Malaki ang maitutulong nito sa aking pang araw-araw na pamumuhay.

Cartoons sa Facebook

May Facebook ka? Edi alam mo na kung anong kasalukayang nangyayari sa mga profile picture ng mga Facebook users? kung di mo pa alam, eto;

Change your Facebook profile picture to a CARTOON FROM YOUR CHILDHOOD and invite your friends to do the same. Until Monday, there should be no human faces on Facebook, but an invasion of memories! CAMPAIGN AGAINST VIOLENCE ON CHILDREN



Nakisali na ako, para naman sa mga bata ito at walang masama kung ipagkakalat ko pa....diba? Yun nga lang, sana nga ganun lang kadali, download ka lang ng pictuer sa internet, tapos palitan mo ang profile picture mo sa Facebook, solve na problema ng bansa, kaso hindi....

Pero kahit na, kung sa simpleng paraan na ito ay makakatulong ako, sige lang...Ikaw na rin!

Silang mga Sikat!

Malamig ang simoy ng hangin. Kay saya ng bawat damdamin. Halatang ber months na dahil ramdam na ang malamig na pakiramdam sa umaga. Nadarama na ng balat ang morning chills. Pero bago pa man dumating ang araw na hinihintay ng mga bata-batuta sa pamamasko at ng mga empleyado sa kanilang christmas bonus, hindi pwedeng hindi daanan ang isa pang okasyon; ang halloween.

Hindi ko masyadong naiisip na bukas na pala ang undas at ang araw ng mgakaluluwa. kaya naka-isip ako ng ideya kung ano ang maisusulat ko ngayon. So para sa topic for today, eto ang mga listahan ng mga sikat na pips tuwing araw ng patay o araw ng kaluluwa. Sila ang mga kinatatakutan sa mga kwentong horror.

1. Tikbalang- Heto ang isang uri ng creature na hap-hap. Hap human hap animal. Kadalasan ang hap animal niya ay horse kaya most likely ay kamag-anak eto nila petrang kabayo. Kadalasang makikita o naninirahan daw sa forest ang mga tikboys at tikgirls. Sila ang mga mapaglarung kumag na nantritrip sa mga travelers/ trippers sa mga bundoks. Ang ginagawa nila ay ililigaw ang mga madlang pipol upang hindi makarating sa paroroonan kahit sila ay lumingon sa pinanggalingan.



2. Kapre- Hindi pinaglihi sa kape ang mga kapre. Sadyang maitim lang sila. Hindi rin daw sila kamag-anakan nila yao ming at bonel balingit pero nuknukan sila ng tangkad. Di pa alam kung sila ay nagcherifer, nag growee or nag zenith growth na mula sa home shopping network. Kumpare ng mga kapre si FVR dahil pareho sila ng mga trip pagdating sa paninigarilyo ng tabako. Usually ang mga kapre ay popular sa pagiging bangag sa pagka-inlababo sa mga kababaihan at nagiging stalker sila. Feeling siguro nila ay super chikboy sila.

3. Mananaggal- Ang creature na parang naging assistant ng magician dahil kayang mahati ang katawan sa dalawa. Sila ang mga babaeng may ability na similar sa hipon, pero sa manananggal; kalahati ng katawan ang natatanggal. Plus factor sa mananaggal ang ilusyon nila na sila ay angels. Parang ipis na nagpapanggap na paru-paro. Mostly ang upper part lang ang may kakayahang makapanakit ng pips sapagkat ung kalahati ay naiiwan at dehins natin maproprove kung lumalandi ito at nakikipag-do kahit kalahati lang ito.


4. Nuno sa Punso- Sila na ang maliit. Sila ang ka-size nila thumbelina at tom thumb. Kamag-anakan din sila ng dwende pero sinasabing mas powerful sila dito. Kadalasang nakatira sa punso o mga bahay ng anay at mga langgam.Wag na wag gagalitin at may angking powers ang mga ito. May kakayanang palakihin ang parte ng katawan na nakasakit at nakasira sa bahay. Unless na gusto mong mas palakihin ang junior mo, wag iihian ang punso at baka maging kasing laki ng poste ng meralco ang junior mo at hindi ka na makalakad.

5. White Lady- Mga multong babae. Dehins pa ako nakarinig na white lady na binabae or lalake. Ang mga white lady ay ang idol ni sadako pagdating sa fashion statement. Ginaya ni sadako ang white dress na suot ng kanyang iniidolo. Ang pinagkaibahan lang ata ay marunong magsuklay ang mga whitelady at minsan ay tila nag-rejoice ang mga multong ito(aaa-AYOS). Kadalasang sanhi ng pagpapakita ng white lady ay dahil need nila ng justice ng sila ay ma-aksidente o magahasa. Pede naman daw kasing magsabi ng please, bakit pa kailangang pwersahan silang gagalawin.


6. Tiyanak- Ang anak ni janice! at siya din ang nasa likod ni Rosalka. Sila ang inspirasyon ni Jastin biber sa kantang BABY, BABY, BABY OOOOH! Actually, di naman talaga sila baby, sila ay impostor o mga mapagbalat-kayong nilalang at ginagaya ang mga bata para makapang-biktima. Di ko alam kung kamag-anak ng mga bampira kasi mahilig manakma at mangagat ang mga tiyanak. Sila na ang mga nakakata-cute na creatures.


7. Tiktik- Hindi ito ang mga kumpare at kumare nila TORO, BOSO, ABANTE at BULGAR. Much more na kamag-anakan sila ng mga manananggal pero may sarili silang kakayanan at powers. Sila ang mga best kandidate para sa mga putahe tulad ng lengua dahil sa kanilang mahahabang tounge o dila. Wow hebigat ang licking factors nila dahil kaya ka nilang puluputan ng suuuuuuuuuper long na dila. Ang madalas biktimahin daw ng mga tiktik ay yung mga babaeng makati at nagdadalangtao. Fave nilang biktimahin ang mga tisbun dahil sa feel nila ang yummy at fresh na sanggol sa sinapupunan.

Ang mga nasa taas ang famous dito sa ating bansa pero meron pang iba kaso di ko na kayang idiscribe kasi tinatamaan na ako ng katam. Runner-ups lang ang syokoy, Undin, blacklady at iba pa.

Advance Happy halloween guys!

Note: ang mga larawan ay nakuha sa google search :D

SOSI MO NAMAN!!!

Alam nyo bang bahagi na ng kulturang Pilipino ang pagiging “SOSYAL” at “FEELING MAYAMAN”. Bakit?? Eh hindi nyo ba napapansin na halos ng lahat ng Filipino ( mga 70%) ay gustong maging sosyal at magmukhang mayaman. Hindi ko alam baka may kinalaman ito sa ating kasaysayan, dahil nga nasakop tayo ng mga Kastila, Amerikano at Hapon. Kaya hanggang ngayon mayroon tayong ganyan mentalidad.

Napansin ko lang na karamihan sa atin ,nabubuhay na lagpas sa kanyang katatayuan sa buhay. Kaya naman halos kahit magkanda baon-baon sa credit card at mangutang kung kani-kanino mabili lang ng mga gamit na pang- “SOSYAL”.

Bakit kapag may bagong gadget, hindi magpapahuli ang mga Filipino? Bakit punong puno ang mga kapehang pangmayaman tulad ng Starbucks? Bakit nauuso ang mga konyo o salitang pangmongoloid? Well dahil dyan sa kaisipang “SOSYAL” at “ FEELING MAYAMAN”.

Narito ang mga palatandaan ng mga taong nagpapa-SOSYAL

1. Namimili sa Mall na nakapamasko ang mga damit (pupunta langn sa mall para pumorma)

2. Laging nakashades kahit nasa loob naman sya ng isang mall o building (feeling artista ba, mas malaking shades mas mukhang sosyal)

3. English ng English (Kahit alam mong hirap na hirap na ang dila at sumasabog na ang ilong nya kakaenglish)

4. Ginagawang studio ang Starbucks at kung ano ano pang restaurant na mamahalin (syempre kailangang ipopost yun sa Facebook at Friendster na kumakain at umiinom sila ng mamahalin,ebidnesya yun)

5. Kailangan ipangalandakan ang kanyang ubod sa mahal na cellphone, ipod, laptop at kung ano ano pang gadget.

6. Kailangang alam na alam nya ang mga sikat na American TV shows at kabisado nya ang MTV. .
7. Kailangan may mga kaibigan din silang sosyal, sikat at mayaman.

8. Magsalita ng may MAKE saka pandiwa sa lahat ng sentence nya.

9. Conscious na conscious sa tatak ng kanilang damit, bag , sapatos at kung ano ano pa.
.
10. Pinagtatawanan ang mga jologs at baduy.

Pag mayaman ka talaga (yun tunay na mayaman) karamihan simple lang silang umasta. Tingnan nyo si Bill Gates, si Zobel de Ayala, si Gokengwei at si Danding Cojuangco. Simple lang sila at hindi sila masyado nagpapanggap na mayaman kasi mayaman talaga sila.

Aminin natin pag SOSYAL ka, parang tanggap ka ng lipunan. Pag sosyal ka sikat ka. Iniisip ko nga siguro kaya nauso ang pagpapasosyal ng mga Filipino dahil para tanggapin sya ng nakakararami, tumaas ang tingin sa kanya ng iba at magkaroon sya ng respeto dahil sa kanyang status sa buhay.

Pero marami din sa atin dahil sa kagustuhang maging sosyal, mas lalong silang nahihirapan. Nabubuhay sila malayo sa kanilang kakatayuan sa buhay. Marahil dala na rin siguro ito ng midya. Mga nakikita natin sa TV at magazine, at mga napapakinggan natin sa radyo. Pagpapakita na kapag sosyal ka, hinahangaan ka ng ibang tao. Kapag sosyal ka, kalevel mo na ang mga artista. Kapag sosyal ka, angat ka sa iba.

Siguro sa malaliman pang pagtingin, marahil ang kaisipang SOSYAL, ay dahil na rin sa mga “frustrations “natin bilang Filipino. Dahil pilit natin tinatakasan ang katotohanang naghihirap ang bansa natin. Pilit nating pinipikit ang mga mata sa mga nangyayari sa ating lipunan sa ngayon. Maari rin kayang likas sa ating mga Filipino ang pagiging “ingitero/ingetera” at “pagalingan (wala ka sa lolo ko)?”

Ako rin naman naging biktima ng kaisipang “SOSYAL” o "PAG-AASTANG MAYAMAN", marahil kayo din naman. Pero ngayon, pinipilit kong buksan ang mata ko sa katotohanan. Pinipilit ko ring maging praktikal at huwag mabuhay sa isang mababaw na pagtingin ng lipunan. Pero minsan napapasabay pa rin ako sa agos ng kaisipang ito, marahil ito'y sakit na matagal gamutin.

Ang sinulat ko na ito ay hindi pangungutya sa mga “SOSYAL” at NAGFEFEELING MAYAMAN dahil lahat naman tayo ay guilty dyan (ako din naman, weh). Pero ito’y isang pagtingin lamang at marahil paggising na rin sa iba na nabubuhay lagpas sa kanilang kakatayuan sa buhay.

Ikaw ,tatanungin kita sosyal ka ba?Bakit mo gustong maging sosyal? (Guilty naman ang lahat eh, kaya okay lang yan)
Ingat


P.S

Ano ang kinalaman ng picture ni Mystica sa post ko na ito?? Wala naman , pero di ba napakasosyal nyang tingnan! LOLS

I Like Tissue (mula sa magulong pag-iisip)

Nasabi ko na bang...

Nagfefeeling sikat ako? Pwes, ngayon nasabi ko na.

Kunwari sikat ako. Gumawa ako ng fan page ko as Tissue(mula sa magulong pag-iisp)at binraso ko ang mga online friends ko na i-Like nila para kunwari may mga fans na ako.

I Like Tissue (mula sa magulong pag-iisip)



Kayo, like nyo ba ako? Kailangan ko pa bang lumuhod at magmakaawa? Ano pang hinihintay nyo? i-Like nyo na!

Don't be shy. :P

WILKAM BAK

I’MMMM BACKKKKKKKKKKKKKKKK

Sorry at halos isang buwan din akong nawala, Medyo may isang pangyayari sa buhay ko na medyo may NAGBAGO para sa akin. At dahil nasabi ko rin na ikukuwento ko sa inyo kung ano ang dahilan, kaya heto ikukuwento ko na........

Okay, Hindi na kasi ako nagyoyosi ......

Huwaattt??? Oo totoo yan hindi na talaga ako nagyoyosi!.

Kung hindi nyo naitatanong. (hindi nga naming tinatanong??) medyo nahirapan din ako sa pagtanggal ng paninigarilyo ko. At sa bawat araw na naninigarilyo ako ay binabawasan ko ng isang stick. Hanggang sa umabot ng isang stick na lang ang nayoyosi ko sa isang araw. At doon ako talaga ako nahirapan di magyosi habang tumatae. Pero talagang pinilit kong huwag manigarilyo habang tumatae. Ngayon nagkakape na lang ako habang tumatae.Naks naman!!!(Hehehe)

Kaya ako na mismo nagdisisyon na tanggalin ko na ang paninigarilyo ko. Kaya ito na siguro ang maaga kong PAMASKO sa sarili ko. (wow…meganon)


Totoo ba yan, aminin mo nga talaga?? (KUPAL ka, totoo nga sabi eh!)

Ngayon. Hindi na nga ako nagyoyosi kaya nililibang ko na lang ang sarili ko sa pagpapak ko ng ding dong at boy bawang habang nagfefriendster at facebook. At may natuklasan din akong bagong talent ang kumain ng blade at nagpasok ako ng screwdriver sa ilong ko habang nagsasayaw ng WAKA WAKA. (makasama nga sa TALENTADONG PINOY!LOLS!).

Medyo nalulungkot din ako kasi parang nabawasan ang pagka gwapo ko. Maraming mga ala-ala din namang naiwan sa akin ang paninigarilyo. pero yun nga lang ang lahat ng bagay ay may katapusan.

Pero ika nga nila ang lahat naman ng katapusan ay may simula.

Kaya heto magsisimula ako, panibagong buhay. Panibagong kapaligaran at panibagong pakakahabalahan.

Totoong mahirap tanggapin ang pagbabago, pero kung di tayo magbabago hindi tayo lalago at yayabong. Mahirap baguhin ang nakasanayan na, pero kung hindi natin tatanggapin ang pagbabago baka wala na tayong matutunan pa sa buhay.

Hayan babalik na muli ako, hindi ko alam kung na-miss nyo ako, pero KAYO NAMISS KO.

WELCOME BACK TO ME!!

Ingat

LILIPAD MUNA AKO

Mga repipis medyo maghi-hiatus muna ako ng isang buwan. Isang buwan lang naman, medyo may gagawin lang akong napakaimportanteng bagay. Kung ano man yun .... sikret muna, next month ko na lang ikukwento.


Pero you can still reach me sa Facebook account ko, sa Twitter , at sa YM ko. Magbabasa pa rin naman ako ng mga post nyo at magcocomment.Naks


Nga pala, napansin ko lang ang mga message ko kakaiba. Madalas exchange link daw may nakikipagtextmate at nagbebenta pa ng glutathione. Nakamputcha ayos yun ah!
So heto muna ang iiwanan ko sa inyo bago ako maghiatus ng isang buwan!

TIPS PARA DI MA-OFFEND ANG MINAMAHAL

Marumi ang kuko: “Sweetheart, may bukid ba kayo?”

Pasmado: “Babe, ilang percent ang share mo sa MWSS?”

May muta: “Cupcake, magdamag ka bang umiyak?”

May putok: “Ho¬ney, may kamag-anak ka ba sa Middle East?”

Maitim ang kili-kili: “Sugar, anong deodorant mo? Kiwi?”

May libag sa leeg: “Darling, saan mo binili ‘yung black gold necklace mo?”

Bad breath: “Love, humihinga ka ba o umuutot?”



REMARKABLE Classmates, Dialogues and Events:

“Hindi ako nakapag-review, eh!” (Pero ang daming sagot sa test paper)


“Ang dali ng test!” (Pero siya ang lowest)


‘Pag walang maisagot, titingin sa bintana, hoping makakita ng lumilipad na sagot!


Nagpuyat para gumawa ng kodigo pero hindi rin nagamit.


Magsusulat ng kung anu-ano sa armchair, pero hindi naman related sa exam.


Ginawang notebook ang hita.


Sinisipa ang chair ng classmate sa harapan para makakopya. Galit pa ‘yan ‘pag hindi mabasa!

Hindi magre-review sa gabi, sa madaling-araw na lang. Pero gigising lang para i-off ang alarm clock.


Group study raw pero mag-iinom lang. Pagpasok, may hang over pa


TRABAHO NG BAGONG GRADUATE

Nursing: kumad¬rona


Education: tambay


Criminology: tanod


Medicine: albularyo


I.T.: tagabantay ng computer shop


Accountancy: tindera


Fine Arts: pintor ng dingding


Psychology: manghuhula


Tourism: GRO


Midwifery: yaya


Pharmacy: drug pusher


HRM: waiter


Ingat po at maraming salamat

I love you ipis ipis very much

para po sa mga hindi pa nakakabasa ng kwentong ipis ito po ang link(kabanata V)
KABANATA VI


MAGPAGAMIT



Hindi ko mapaliwanag ang aking naramdaman nang narinig ko na nagsasalita ang lata. Lumipad ako papalayo, Mabilis na mabilis at hindi humihinto. Bahala na kung saang lugar ako dadalhin ng aking matitigas na pakpak. Pikit mata akong nagpakalipad- lipad. Anak ng putcha pagdilat ng aking mata. Andun ako sa may basurahan. Exactly the same place kung saan namatay si dalisay.

Tumigil ako sa pagwasimas ng aking pakpak. Napasandal sa may basurahan. Tumingala, Pinagmasdan ang pag-ikot ng elisi ng chande..chandelererer? Oo basta yun na yun. Isa, dalawa , tatlo, at mabilis pang nasundan ang pagpatak ng luha sa aking mga mata. Kinuskos ko ang aking mata para tumigil sa pagluha. “ Bakit?” tanong ko sa sarili ko.

Bumalik ako sa may aparador, Sumilip, Tinignan ko kung andun pa yung nagsasalitang lata na nagpakilalang intsikticide. Damn. Andun nga. Tumibok nang napakabilis ang aking puso. Gaya ng pagtibok nito ng unang beses ko nakita ang ngiti ni Dalisay. Ang sarap sa pakiramdam. Kaya ko ubusin ang natitirang oras ng buhay ko kakatitig sa kanya.

Araw araw dumadaan na ako sa may aparador, Sumisilip, Tinitignan kung andun si intsikticide. Hanggang naging bisyo ko na pagmasdan ito araw araw. Minsan nakita kong umiiyak ang lata. Wala na akong nagawa, kusang gumalaw ang mga pakpak at paa ko papunta sa kanya at pinunasan ang kanyang mga mata

“Hi, can i help you?’’

“ bkit sino ka ba? huhuhuhuhu”

“ ako nga pala si lufet, nagkita na tayo once pero tinakbuhan kita. ”

“ oo naalala ko yon! Gago ka! Huhuhu”

“ im sorry kasi nung nakita kita may naalala ako eh”

“ no, ok lang. Hikhik”

“ pwede ko bang malaman ang dahilan ng iyong pagiyak?”

“ mahabang kwento”

“ handa naman akong makinig kahit gaano kahaba yan”

“mahaba ba ung ano mo? Yung ano mo? Yung pasensiya mo. ?(tapos nagsmile siya)

“ hahaha.oo naman. Minsan papakita ko sayo si Manuy ko, “

“ so bakit ka nga umiiyak?”

“matagal na kasing walang gumagamit sa akin eh”

“huwaaattt? Pwede ba magvolunteer? Ahahaha. Joke! “

“ no, i mean hanggang ngayon hindi ko pa alam kung ano talga silbe ko, Kung para saan ba talaga ako? Alam mo yun? Ever since nakatambak lang ako dito at walang gumagamit. Ikaw b alam mo na purpose mo sa life ”

“ nung nakita kita , alam ko na kung anong purpose ko.. ang alagaan ka” (pabulong kong sinagot)

“ ano? Hindi ko narinig!”

“ wala!, sabi ko andito lang ako sasamahan kitang alamin purpose mo. Sure kang ayaw mong magpagamit? Haha joke!”

“ uhmmm salamat ha?”

“ hehehe"

“ medyo nawala na lungkot ko”

“ so may friendster ka ba?”

“ wala eh , bkit?”

“ gusto kasi kitang maging friends eh, ok lng b? “

“ sure sure.. eh ikaw may facebook ka ba?”

“ meron kaso hnd ko binubuksan eh, bkit?”

“ coz i like you”

(nagtawanan kming dalawa)

Since that day. Naging magclose na kmi ni intsikticide.



Itutuloy....

EID MUBARAK/HAPPY WEEKEND!!!

EID MUBARAK/HAPPY WEEKEND!!

Hayyy!! Salamat at bakasyon kami ng Tatlong araw dahil sa pagtatapos ng Ramadan. Kung sa atin may long weekend dito sa UAE meron kaming 3 days vacation! Yehey! Medyo mahaba haba na rin yun. Pero yun nga lang medyo halos wala ka rin namang gagawin sa 3 days vacation na yun dahil wala naman gaanong mapupuntahan dito. Kaya naisip ko masarap pa rin ang long weekend ng Pinas kesa sa UAE. Bakit?Ganito kung sakaling nasa Pilipinas ako malamang ang mga gagawin ko sa Huwebes, Biyernes at Sabado ay ang mga sumusunod.

 Magpalamig sa mga Mall. Malamang sa SM, LCC, Robinson at kung ano ano pang mall, tyak nandun ako at umiinom ng kape habang nakatingin sa mga taong nagdadaan. Kasi ginagawan ko sila ng kwento sa aking isip. Autistic ako eh pakialam nyo ba!!

 Pupunta ako sa mga chill-out places tulad ng Mogwai , Reggae Bar, Bar 101 at kung ano ano pa, kasama ang mga barkada kong mahilig manlibre.

 Pumunta sa National Bookstore at Powerbooks para tumingin tingin ng mga Magazine at libro. Kahit alam kong wala akong hilig magbasa ng libro pero maraming namang mga kolehiyalang tumatambay dun!hahahaha!

 Manood ng sine habang bitibit ko ang Value Meal No.1 ng Jollibee (hamburger at French fries) at manood ako sa Imax. Papanoorin ko ang lahat ng movies sa araw na yun kahit mag-isa lang ako. (Sosyal na sosyal ang sinehan pero Jollibee ang snacks ko).

 Magfofood trip ako, at kakain ako sa Dencio, Itallianis, Outback at sa karinderya ni Aling Bebot (masarap kaya ang lugaw tokwat baboy nya, masarap na may sakit ka pa).

 Bisitahin ang mga barkada kong hindi nagbabayad ng utang!! Pupuntahan ko sila sa bahay para maglaro ng monopoly, uno, scrabble, mad , ungoy-ungoyan at pitik bulag. At bawat talo ay pipitikin sa bayag este sa tenga o di kaya lalagyan ng lipstick mula sa bunganga ni Menggay (kamukha sya Pokwang na may ilong na katulad ng kay Allan K).

 Family bonding at pumunta sa Star City, Boom na Boom (meron pa ba nito), Wild life. O di kaya magbarbeque sa labas ng bahay (pag may natira pwede ring ibenta)

Pero dito sa UAE na kung saan ay wala naman akong gaanong gagawin sa 3 days vacation ko,kaya malamang ito ang aking pagkakaabalahan.

 Pabubulukin ko ang mata sa tulog. Magpupuyat ako sa gabi para tanghali na akong magising, at makakatipid pa ako sa pagkain kasi isang beses lang ako kakain (hapunan lang!hehhe)

 Dalhin ang sine sa loob ng aking kwarto. Hihiramin ko ang projector ng opisina at manonood ako habang ngumunguya ng pop corn at kung ano ano pang chitchirya.(Totyal na totyal ah)

 Sasama ako sa Manager kong Greek at maglaro ng tennis, badminton, bowling at swimming kahit di ako marunong sa alin man dyan sa nabanggit. Inimbitahan kasi ako ng Manager kong Greek eh! Medyo nakaka-OP (out of place) pero okay lang mababait naman sila at di sila nangangagat.

 Pumunta sa Pinoy Market, at tumingin tingin ng bagong labas na cellphone, gadget, mp3 player, video cam. O di kaya bumili ng boy bawang, choki-choki, champola at Lala fish cracker sa tindahan doon.

 Manood ng TV buong maghapon habang kinakabisa ko ang mga dialogue sa TV at memoryahin ang nunal ng mga artista doon. (Paulit ulit kasi ang palabas sa GMA Pinoy Tv at TFC)

 Mag-internet at makipagkulitan dito. Magdownload ng kanta at pelikula sa Limewire habang nag-iiskype kausap ang kapatid kong laging isisiksik sa usapan kung ano ang shoe size nya kahit di ko naman tinatanong.

 Pagurin ang sarili ko sa exercise at pagbubuhat ng kutsara este ng barbel. Para naman maging katawang pangmodelo, at mag-aaplay akong bilang modelo ng diatabs o Canesten.

Sa totoo lang wala yan sa dami o haba ng bakasyon mo kundi nasa kalidad ng oras na ginugugol mo dito. Kahit na sabihin nating mas mahaba ang bakasyon dito sa UAE kesa sa Pinas, mas gugustuhin ko pa rin sa atin sa Pinas kasama ng kaibigan at pamilya ko kaysa magkaroon ng mahabang bakasyon sa UAE na mag-isa. Kahit gaano pa ka-exciting o kaganda ang bakasyon mo, kung wala ang mga kaibigan o pamilya mo parang kulang pa rin. At sila ang nagbibigay saya sa buhay natin! Kaya sila lang ang magpapakumpleto nito
.
Gusto kong iwanan ang quotes mula kay Pareng Henry David Thoreau

"The finest workers in stone are not copper or steel tools, but the gentle touches of air and water working at their leisure with a liberal allowance of time."

Salamat at EID MUBARAK o HAPPY WEEKEND sa lahat!!!

ANG NANAY NI ALDRINO

Maraming nagsasabi na kamukha daw ng nanay ko si Annabel Rama (pero di mataray ang nanay ko). Hindi ko alam, kaya siguro nasabi ng mga tao yun kasi kamukha ko si Richard Gutierrez (walang pakialamanan). Pero kaming magkakapatid ang tawag namin sa kanya ay Tya Pusit, kasi talagang ganon-ganun ang akting ng nanay ko, at dahil na rin mukhang mga squidballs at kikiam ang mga kapatid ko.


Maraming mga terminologies ang pinauso ng nanay , minsan nagugulat na lang kami kasi hindi namin alam kung saan pinagpupulot ng nanay ko ang mga salitang yun, heto ang sampol:


PAASO-ASO- hindi maganda ang pagkakagawa, o hindi masyadong sineryoso ang isang bagay

SENTENCE: “Ano ba namang klaseng linis ang ginawa mo dito sa kwarto mo, eh PAASO ASONG linis yang ginawang mo bata ka” (***please insert PINGOT here***)


TSINATSANE-ibig sabihin kinukuripot


SENTENCE: “Hoy wag mo nga akong TSINATSANE, nasan na yung entrega mo ngayon buwan na ito”


MAY TAE ANG BIBIG- ibig sabihin hindi pala ngite, suplada. Yung mabaho ang hininga ay hindi kasama sa terminologies ng nanay ko


SENTENCE: “Bakit ganyan ang gerlpren mo, parang MAY TAE ANG BIBIG


PAPUWET-PUWET- halos kapareho lang ng paaso aso, yun nga lang mas worst pa ito


SENTENCE: “Anak anong klaseng project itong ipapasa mo, eh PAPUWET PUWET ang gawa mo ah” (di nya lang alam eh pinagpuyatan ko yun)


KUTIS BUBWIT- ibig sabihin halos walang ginagawa sa bahay, tamad na babae.Sila yung piling Reyna sa bahay


SENTENCE: “Ano ba namang kamay yan iha, eh KUTIS BUBWIT ah siguro wala kang ginagawa sa bahay”


BOSES IK-IK- ibig sabihin mahina ang boses


SENTENCE: “Lakasan mo ang boses mo, hindi parang BOSES IK-IK yang lumalabas sa bibig mo, ikaw ba ang kumuha ng pera sa wallet ko???”


Iyan ay mga sampol lamang, at marami pang mapapausong salita ang nanay ko. Kaya balak ko ring gumawa ng “dictionary” para sa kanya.



Medyo busog na busog kami sa palo ng nanay . Halos dumidighay kami ng kurot at pingot mula kanya.Kaya naman ganito kaming kababait na magkakapatid (nice parang tunay) .Si nanay, parang si BIONIC WOMAN yun, marami syang ESPESYAL PAWERS. Pag medyo naglilikot na kami, isang tingin lang ng nanay, tunaw na kami ng kanyang LASER EYES kaya titigil na kami sa kalikutan. Tapos pag di nakuha sa tingin, sabay lapit sa amin at kukurutin ng pinong pino ang braso habang ngumingite para hindi halata sa bisita. Meron din syang WEAPON din, tulad ng MAGIC PAMALO, GIGANTIC PATPAT at ULTRAMAGNETIC MOUTH.


Eh, hindi ko naman masisi ang nanay na magtransform sya sa pagiging BIONIC WOMAN eh sa sobrang kulit at pilyo ko ba namang ito, tyak mamumuti ang buhok ng nanay ko. Eh ako ang lider ng aking mga KAMPON este mga kapatid sa kakulitan kaya naman, halos lagi kaming naghahabulan ng nanay sa sobrang pambubuwisit na ginagawa ko sa kanya.


Minsan, naisipan kong gumawa ng hagdanan sa puno ng bayabas namin. Eh pag hahabulin na ako ng nanay para pingutin at paluin eh duon ako aakyat, kasi tyak di na nya ako kayang habulin dun. Kaya naman ng minsang ginawa kong isang malaking CANVASS ang dingding namin sa aking magagandang drowing na bulaklak at aso na mukhang tae ng kalabaw gamit ang APACHE PENTEL PEN. Halos parang torong galit na galit ang nanay kaya hinabol ako, palibhasa alam kong di nya ako mahahabol sa puno ng bayabas namin, pag akyat ko sa dulo nabali ang sanga (di ako kumanta ng LERON LERON SINTA ha)hayun lagpak ang batang malikot at una ang ulo. Akala ko nga mamatay na ako, pero buti na lang naagapan pa ng doktor, hehehe!! (sabi nga nila ang masamang damo matagal mamatay).


Kaya pagkatapos ng insidente na yun, eh bumait sa akin ang nanay ko. Pero may expiration date din ang lahat kasi bumalik na naman ang kapilyuhan ko makalipas ang isang linggo. Kaya bumalik din ang magandang samahan namin ng nanay. Hahaha!!!Madalas din para akong abogadong sagot ng sagot sa nanay kaya naman lalong kumukulo ang dugo nun sa akin yun, heto ang mga sampol


Nanay: Sige pag di mo nakita ang hinahanap mo MAKIKITA MO!!(Gigil na gigil)


AKO: Eh yun naman pala nanay , pag hindi ko makikita eh makikita ko naman pala, so hidi ko na hahanapin baka lumitaw sya ng kusa (sabay ngiti ng aso)


Nanay: Ano uubusin mo ba ang pagkain mo o hindi? Kung hinid malilintikan ka sa akin, ano uubusin mo ba?


AKO: Naku nanay, tinanong mo pa ako, eh ganun din naman pala, kailangan ko ring ubusin yan (sabay akto ng diring diri sa pagkain)


Nanay: Ano sasabihin mo ba ang totoo, kung hindi mo sasabihin kukurutin kita!


AKO: Opo sasabihn ko na po, ako po yung nakabasag ng vase


Nanay: Eh napakalikot mo namang bata ka eh (Sabay kurot sa akin)


Naku kinurot din ako ng nanay. Akala ko kasi kung magsabi ako ng totoo di na nya ako kukurutin. Mukhang naisahan ako ni Nanay dun ah, Dapat sinabi ko na lang na akala ko alkansya yun o kaya nasagi ni Muning (kahit wala kaming pusa, may mailusot lang)


NGAYON NA MALAKI NA AKO, magkasundong magkasundo kami ng nanay ko. Eh ganun talaga dumadarating ang pagkapilyo natin pag bata ka. Pero ako yata ang PEYBORIT ng nanay ko, kahit na mas malaki minsan ang ulam ng KUYA ko kaysa sa akin, at mas malakas ang iyak nya noong lumipat sa kabilang kanto ang KUYA ko kaysa noong umalis ako para mag-abroad. Hehehe!!PERO LOVE NA LOVE KO PA RIN SI NANAY.


Naalala ko tuloy noong paalis na ako papuntang abroad. Iyak sya rin sya ng iyak


NANAY: Huhuhuhuh, anak wag ka ng umalis sa Pinas, dito na lang tayo magkakasama sa hirap at ginhawa.


AKO: Eh nanay kailangan eh mahirap ang buhay sa atin kaya minsan talaga kailangang magkahiwalay.(talagang touch na touch ako nun)


Makalipas ang tatlong araw, tinawagan ko ang nanay


NANAY: Huhuhuhu (ngawa ng ngawa ang nanay ko)


AKO: O bat na naman kayo umiiyak ‘nay, eh di ba napagusapan natin ito dati.


NANAY: Eh kasi anak, napaginipan ko kasi uuwi ka na sa Pinas eh, naku ang dami pa nating utang,anak!!(***insert sipon at singhot here****)


Naku buwal ako sa nanay ko, akala ko pa naman miss na miss nya ako, at gusto nya na akong makita kaya sya umiiyak yun pala kasi uuwi na raw ako sa Pinas. ASTIG KA NAY, MAHAL NA MAHAL MO TALAGA AKO!!heheheh


Pero alam ko namang mahal na mahal ako ng nanay, 100% sure yun. Kaya babawi ako sa pag-uwi ko sa PINAS, eh papasayahin ko naman sya. Eh pipilitin kong maging mabuting anak para sa kanya, eh si nanay ang isa sa mga dahilan kung bakit nagsusumikap akong magtagumpay dito sa disyerto. At balang araw makakaganti rin ako sa lahat ng bagay na ginawa nya sa akin. Si NANAY ata ang tagapagtanggol, tagapayo, tagapagpasaya at inspirasyon ko. At habambuhay akong magpapasalamat sa kanya dahil sa pagiging isang mabuti at mabait na nanay sa buong mundo. At kahit mabuhay pa ako ng 100 beses, sya pa rin ang pipiliin kong maging nanay ng 200 beses, at di ko sya ipagpapalit kahit kanino.


Kaya ang tangi ko lang masasabi sa kanya ay “ NANAY, I LAB U”, gagawin ko ang lahat para maging masaya kayo.


Yun lang po at maraming salamat sa pagbasa!!

HAPI BERTDEY TATAY

Malapit na bertdey ng tatay ko ilang araw na lang September 9, Alam nyo maraming bagay ang talaga namang nakakabilib sa tatay ko. Kapuwitan mang sabihin na sya talaga ang “dabes tatay in da hol wayd unibers” (naku, lagi kong naririnig yan sa mga batang may hihingin lang na paekek sa mga tatay nila). Isang hamak na pulis ang tatay ko (bute na lang hindi rin nya na isipan na manghostage) at kami ay nagmamay-ari lamang ng isang maliit na hasyenda na umaabot na libo libong ektarya (joke lang), madalas nakikita ko ang tatay ko na talaga namang hirap na hirap sa pag-tatrabaho, tumatagaktak ang pawis sa pagtatrabaho, at magkandakuba kuba na sa pagsisirbisyo sa amin. Samantala ako, ay pakuya kuyakoy at pakula kulangot lang sa isang tabi. Ayaw ko kasing mabilad sa araw kasi pakiramdam ko magiging nognog ako (eh pangit na nga ako, nognog pa). Eh wala ng magawa ang tatay ko kundi pagpasensyahan na lang ang suwail, tamad at napakakyut nyang anak.

Madalas pagdating ng sabado (kung saan wala akong pasok) eh mag-iisip na ako ng dahilan. Minsan sasabihin kong may “group project” kami, pero manonood lang ako ng sine, o hindi kaya magpapaulan ako at pagpapatuyo ng pawis para magkasakit ng Sabado. Yan ang paraan ko para makatakas sa gawaing bahay. Kaya naman nakakaawa naman talaga ang tatay ko kasi sya lang talaga ang nagbabanat ng buto para buhayin ang apat nyang anak na parang mga konstraksyon worker kung lumamon.

Basta halos hindi ko na matulungan ang tatay ko, madalas pag pinipilit akong umigib ng tubig talaga namang parang lindol sa amin kasi nagdadabog ako sabay banta sa nanay ko “Sige paiigibin nyo ng tubig, pag nasagasaan ako ng sasakyan, mamatay ako” (kala mo namang napakahalaga ng buhay ko?hahaha)
Saka kilalang kilala sa amin yan na napakabait na tatay, at ako naman kilalang kilala sa amin na napakasuwail na anak (joke lang, gud boy po ang pautot ko sa amin). Basta sya yung napakabait na tatay, kaya naman ang naging produkto nila ay mga mababait na bata katulad ko (kyut pa!!).

Marami pang mga ginuntuang aral ang binigay sa akin ng tatay ko na isinanla ko na sa mga pawnshop tulad nito
“Mag-aral ka ng mabuti anak, para magtagumpay ka” (Eh kitams kaya ako nakatapos sa pag-aaral kahit maraming bagsak)”
“Ang tao matuto lang mahiya, tao na” (Tao po ba ako tay?paano yan makapal peys ko)
“Huwag kang makakalimot sa Dyos, at laging magpakumbaba” (Amen po itay)
Iyan ay ilan lamang sa mga aral na bigay ng aking butihing tatay. Kaya ngayon nasa abroad ako at medyo nagmature na (parang hindi naman eh), medyo nagsisisi na rin ako sa mga pagkasuwail ko noong bata. Kaya naman bumabawi na ako sa tatay ko ngayon, hanggat maaari talaga namang ayaw ko ng mahihirapan ang tatay ko. Madalas din pag tumatawag ako sa kanila laging may “AY LAB YU” kahit na baduy sa iba, pero sa akin eh makahulugan yun.Ayaw ko kasing maubos ang panahon na hindi ko man lang nasasabi ang mga bagay na iyon at maparamdam ko sa kanila hindi lang sa gawa pati sa salita. Masayang Masaya ako na sya ang naging tatay ko kasi wala ako sa kinatatayuan ko ngayon kundi dahil sa kanya, kaya utang na loob ko sa kanya ang lahat ng tagumpay ko (meron ba??). Kaya naman sa bawat pag-uwi ko rin, kinakailangan bibigyan ko sya ng pinakamahal na pasalubong sa lahat. Kahit man lang sa mga material na bagay eh magantihan ko ang kabutihan ng tatay ko.

Marami pa akog gusto sabihin sa kanya pero tyak aapaw ng luha dito (hahahha, may ganun kadramahan). Basta gusto ko lang ipagsigawan sa mundo kung gaano kabait at karesponsable ng tatay ko, para malaman nila kung gaano ako kapalad bilang anak nya.


Kaya sa Tatay Ernesto ko, HAPI HAPI BERTDEY!!!

ISA SYANG TIKI TIKI

Nung minsang nanood ako ng balita, at kasalukuyang mainit na mainit ang isyu tungkol sa pagiging “gastador” ni GMA at pagyaman nya bigla nang maging Pangulo sya, eh halos kasama rin sa headlines nito ang pagdating ni “Lady Gaga” sa Pilipinas. Gulat ako sa hitsura nya kasi mukha syang alien na nababakasyon lang sa planet earth. Wala naman akong balak kilalanin sya, at hindi naman ako tagahanga nya o ng music nya. Pero nung minsang nagbobrowse ako sa internet (habang nangungulangot) nagulat ako sa natuklasan ko. May hiwaga palang bumabalot sa mukhang alien na ito dahil sya pala ay isang ....... (drum roll please).............hermaphrodite, ang ibig sabihin nun meron syang ari ng lalaki at babae o isa syang TIKI-TIKI. (kung gusto nyo ng maraming paliwanag tungkol sa hermaprodism tanungin mo si Pareng Wiki). Kaya doon ako nagulat, na totoo palang may ganoong kaso.

Heto nga pala video nya na nagpapatunay na meron syang tit*:




Ito naman yung article na hermaprodite daw sya:Lady Gaga a Man, Not a Hermaphrodite? But What About the Picture?
Lady Gaga is a man. That's right. Lady Gaga is a man. You read it here first at Disinformation Central, accessed via the Great Prevaricator, Rumormonger, and Falsehood Disseminator (otherwise known as the World Wide Web). What was...
Read More

Medyo hindi na bago sa akin ang salitang yan, kasi yan din ang isyu kay Nancy Navalta. Sino si Nancy Navalta? Sya yung kontrobersyal na atleta (track and field kasabayan ni Elma Muros), na pinapadisqualify sa Palarong Pambansa dahil hindi naman daw sya tunay na babae . Sumasali kasi sya sa kategorya ng mga babae at syempre lagi syang panalo dahil sa mala-bardagul nyang katawan. Sa hitsura at dating palang mukha talaga syang kargador este lalaki pala. Ang baba pa ng boses at may adam's apple pa. Kaya alam monng lalaki talaga si Nancy. Pero nagtataka kayo bakit sya napapabilang sa katergorya ng mga babae at sa tagal nyang sumali sa katergorya ng mga babae bakit hindi sya nahalata na lalaki . Kung titignan mo talaga sya, walang kabahid bahid ng pagiging babae (kahit kabadingan wala din).Ang sagot ay dahil meron syang........ (drum roll uli)................ PUK* (talagang capitalized pa?). Sya ay lalaking may PUK*? Hehehe (hindi naman sya retokado) .Kaya nga pinasuri sya at doon nalaman na wala syang matres at lalaki talaga sya. Yung puk* nya ay deformity lang pala yun (nawasak lang yung tit* nya kumbaga kaya napagkamalang puk*). Kaya dineklara syang Lalaki ng mga espesyalista. Natatandaan ko noon nagpa-press release pa sya nun na may boypren daw sya (kahit mukha silang magkakosa) pero syempre walang epek yun kasi ang Syensya (science) ang may katibayan na lalaki sya, kaya pa-sensya na lang rin.


Sa kaso naman ni Lady Gaga, babae talaga sya dahil nasa hitsura at boses nya eh.Yun nga lang meron syang “bird”. Totoong hindi lang sya kakaiba sa hitsura pati rin pala yung ano nya, kakaiba din.

Pero dapat pinapalitan na ang pangalan nya .Dapat ang tawag sa kanya ay Lady Gago o kaya Boy Gaga para swak na swak sa kanya. Pero sabagay hindi naman talaga mahalaga kung isa syang TIKI-TIKI dahil mas mahalaga yung musikang binibigay nya. Bibig naman nya ang ginagamit sa pagkanta hindi yung ari nya. At pwedeng pwede rin pala nyang paligayahin ang kanyang sarili dahil……………………….magaling syang kumanta pwede syang mag videoke (kayo bastos ang iniisip nyo)

Sa ngayon medyo napapaisip ako kung paano kaya sya umiihi?Pwede nya kayang idefault ang isa at gamitin ang isa (ginawang computer). Saka ano kaya nakalagay sa birth certificate nya, babae kaya o lalaki? Sabagay di ko na problema yun problema na nya yun.

Ano pa man ang depekto ng isang tao mahirap syang husgahan sabi nga nila Don’t judge the book by its cover (because she not a book and you’re not a judge). Ang mahalaga talaga ay yung ugali ng isang tao. Sa panahon ngayon lahat ay pwede ng pagandahin, dagdagan o alisin, pero ang pag-uugali ng tao ay maari lang mabago sa pamamagitan lang ng ating mga sarili.

Teka nga pala bago ko tapusin ang entry ito panoorin nyo ang bidyo na ito, panalo:
Parang hindi ko ata kakayanin yun. hahaha!!

Totoo pala ito;

NOON:Hindi lahat ng Babae, maganda.

NGAYON:Hindi lahat ng maganda, Babae.

Ma'am Boquiron aka Powkie

Dati nung highschool ako, mayroon akong peyborit titser noon at sya ay si...... Ma’am Boquiron. Si Ma’am Boquiron ay ang aming Filipino Teacher .Kamukha nya si Pokwang at si Ai-Ai delas Alas COMBINED (kawawang nilalang). So isipin nyo na lang ang pagmumukha ni Ma’am Boquiron?? Mukhang syang BABA na tinubuan ng mukha. Mahaba ang baba ni Ma’am na pwedeng pangalso sa truck at pambiyak ng niyog. Bawal din syang yumuko dahil baka masaksak nya ng sarili nya dahil sa sobrang talas ng BABA nya. Pero dahil feeling nya maganda sya at kamukha nya si Claudine Baretto, masyado syang mataray. Madalas din syang magpashower ng laway sa pagmumukha ng mga kaklase ko, at madalas din may namumuong bula ng laway sa gilid ng bibig kaya lagi syang may dalang TISSUE para punasan iyon. (Yakness)


Habang nagdidiscuss si Ma’am Powkie ( gamitan natin ng alyas baka mabasa nya itong blog ko eh), napunta ang discussion namin tungkol sa “Pang-uri”. Heto ang senaryo.

Ma’am Powkie: Class, ang pang-uri ay ang paglalarawan sa pangalan at panghalip. Tulad ng sentence na ito…..”Ako ay magandang babae”.

Class: Hahahhahaah (biglang tumawa ang klase kahit hindi naman nagjojoke si Ma’am)

Ma’am Powkie: MGA LETCHE KAYO!!!! (galit na!) Anong nakakatawa?? (tumitig na ng masama)

Biglang tumahimik ang buong klase. Kaya pinagpatuloy nya ang kanyang pagturo.

Ma’am Powkie:Okay Aldrin! Magbigay ka nga ng isang pangungusap na may pang-uri.

Ako: (nabigla ako) Ma’am ano po…. Uhmmmmm “ Kayo po ay ubod ng ganda , at kamukha nyo po si Zorayda Sanchez!!!Hahahaha”. (ako lang ang tumawa).

Akala ko matatawa ang mga kaklase ko pero mga siraulo sila hindi man lang nakisama

Dahil sa sinabi ko na yan, biglang nagliparan ang notebook, eraser, libro patungo sa aking pagmumukha.Parang torong galit na galit si Ma’am Powkie. At dahil sa pangyayaring yan suspindido ako ng isang linggo at mula din noon hindi na nya ako binentahan ng yema sa klase.

Noon ko lang napagtanto, na masama na ngayon ang pagsasabi ng totoo.

So akala ko hindi na kami magtatagpong muli ni Ma’am Powkie. Pero nagkamali ako dahil muling nagkrus ang aming landas (wow parang teleserye lang ah). Sya ulit ang aming titser sa Filipino. This time, medyo mabait na sya dahil siguro sa ipit nyang kulay pink, sa sapatos nyang pink, damit nyang pink, TISSUE BOX nyang kulay pink at BABA nyang kulay pink.

So heto na uli, ang topic namin ay tungkol sa Homonyms.

Ma’am Powkie: Mayroon tayong mga salitang iisa ang baybay at iisa din ang tunog pero magkaiba ng kahulugan. Tulad nito sala (sin) at sala (living room). Ikaw Andrea magbigay ka ng example.

Andrea (kaklase kong mukhang vicks): Baga (lungs) at baga (ember)

Ma’am Powkie: Magaling (palakpakan ang buong klase) o ikaw naman Lakjo magbigay ka ng isa pang halimbawa.

Lakjo (kaklase kong adik): Supot (plastic ) at Supot’ (di pa tule)

Tawanan ang buong klase pati si Ma’am Powkie tumatawa din habang may mamuo muong laway sa gilid ng bibig at kita din ang bulok na bagang nya malapit sa kanyang wisdom tooth.. Dahil masaya ang mood ng klase, gusto ko ring magjoke (aba di pwedeng si lakjo lang ang sikat). Kaya talagang pabibo ako at sobrang nagtaas ako ng kamay. Kaya nung tinatawag ako ni Ma’am Powkie nagjoke ako.

Ma’am Powkie: Okay Aldrin magbigay ka rin ng Halimbawa

Ako: Ma’am ano po!hehehe!! BABA (down) at BABA!!!! (chin) …..(sabay turo sa baba ni Ma’am Powkie at tawa ng WHAHAHHAAHA)

Tumawa ang buong klase ng ubod ng lulutong.Dumadagundong ang tawa ng mga baluga. Syempre feeling sikat ako kasi nakakatawa kaya ang joke ko. At habang proud na proud ako sa aking joke bigla akong natakot dahil nakita kong nagliliyab sa galit si Ma’am Powkie. Pulang pula ang mukha nya sa galit, at mukhang tutusukin na nya ako ng BABA nya ..........kaya nsobra akong natakot sa kanya (sorry naman!!)

At ika nga “history repeats itself” dahil biglang lumipad ang mga chalk, teksbook, ballpen at eraser na parang may mga magnet at sariling buhay dahil saktong sakto sa pagmumukha ko. At malamang kung kayang buhatin ni Ma’am Powkie ang blackboard baka hinampas nya sa akin yun . At dahil dyan hindi sya nagturo ng isang buwan sa klase namin. At lahat kami muntik ng bumagsak dahil sa inyong lingkod (ahem)!!SIKAT!! (**please insert feeling pogi pose here***)

Kaya mula noon ayaw ko ng magjoke. Ayaw ko ng magjoke lalo nat hindi naman ako CLOWN.

At ang moral lesson ng kwento ko na ito ay:

1. Huwag mong gagawing pang-uri si Zorayda Sanachez ( sumalangit nawa)

2. Huwag mong gagawing halimbawa ang BABA (down) at BABA (chin) kapag kamukha ng titser mo si Pokwang at Ai Ai delas Alas COMBINED.

Salamat po!

Tips kung paano gumawa ng entry kung tinatamad kang magsulat

Hindi ba minsan medyo nakakaubos ng ideya kung halos lagi kang naguupdate ng blog mo. At kahit itaktak mo ang utak mo sa plato eh walang lalabas kundi luga lang.

Kaya heto ang mga tips kung paano gumawa ng isang blog entry kung tinatamad kang magsulat:

* Humanap ng mga picture na nakakatawa sa internet at lagyan ito ng caption
* Tumingin tingin sa youtube, humanap ng pinakacool na bidyo at ipost din
* Gumawa ng music video at subukang magpakyut
* Maglagay ng mga jokes kahit luma ,malay mo baka bumenta pa rin
* Humanap ng mga quizzes at kung ano pang nakakapagbuhay ng iyong mga braincells


Panghuli………….

* Magpost ng tips kung paano gumawa ng isang blog entry kung tinamad kang magsulat.


PAANO NA NGA KAYA????


1. Paano kaya kung ito ang pangarap ng anak mo?

*mukhang malaki kita dyan

2. Paano na lang kung biglang sumali ang pusa sa volleyball?

*magaling umispike yan


3. Paano kung ang inaasam asam mong PSP ay ito pala ang laman?

Malas mo kung 2 in 1 pa yun

4. Paano na lang kung ang inaakala mong seksi sa myspace o friendster eh ito talaga ang picture

*hita lang nya katawan ko na!


5. Paano na lang kung ganito ang amuzement park?

HIS Vagina talaga eh!!


6. Paano kung bigla kang maihi habang naggygymnastic ka?

*Kinabahan lang siguro?? Agaw eksena ang ihi!


7. Paano kung ganito ang discount mo?

*nice mukhang nakamura ka ah!!


8. Paano kung ganito ang headlines sa dyaryo?

* paano nangyari yun?Lakas tama ng dyaryong to!


9. Paano kung ang ninuno mo ay isang EMO ?

Meron na palang EMO nun! Adik!


10. Paano na lang kung ganito ang hitsura ng anak mo

*Eh kay cute namang bata, sarap tampalin sa nguso!


JOKE TIME


Sigaw ng nire-rape na babae, “Tulong! Tulong!”Sabi ng rapist, “Huwag ka nang humingi ng tulong! Kaya ko ‘tong mag-isa!”“Sure ka?” sey ng babae. “Ok. Huwag na! Huwag na! Kaya na raw niya!”
______________________________

Umuwing umiiyak ang anak…

ANAK: Inay, sabi ng kalaro ko… pangit daw ako! Hu! Hu! Hu! Hu!

INAY: Anak, ang kagandahan ay nasa loob… kaya huwag kang lumabas

____________________________

May nakapagsabi na ba sa ‘yong, “Ang cute mo”?Kung wala pa… wala tayong magagawa.

__________________________

Hinoldap ng limang lalaki ang isang bus…

HOLDAPER: Rereypin namin lahat ng babae rito!

POKPOK: Ako na lang po! Maawa kayo sa kanila!

LOLA: Wooooo! Epal ka! Lahat nga raw, eh!
_______________________

“Nay Oh!”

NGONGO, kumakanta ng JAI HO
________________________

BINATA: Pangit ba ‘ko?

DALAGA: Walang ginawang pangit ang Diyos… pero ewan ko lang kung may Diyos ka. Baka anti-Christ ka?
________________________

Sa mall…

LOLA: Huwag kang bibitiw sa palda ko, baka ka mawala.

APO: Opo.

(Makalipas ang dalawang oras…)

LOLA: Guard, may nakita ka bang bata na may dalang palda?

___________________________

Sabi niya, guwapo siya… napansin ko nga…Mula ulo… mukhang paa.

_________________________

PULIS: Lola, ba’t pinagsasaksak n’yo ‘yung rapist?

LOLA: Aba! Pagkatapos niya akong hubaran, bigla siyang tumayo at nagsabi na, ‘Joke-joke lang, lola!’ Eh hindi naman ako nakikipagbiruan sa kanya!
____________________________

SIR: Inday, naalis mo na ba ‘yung mantsa sa barong Tagalog ko?

INDAY: Yes, sir!

SIR: Good! Ano’ng pinang-alis mo?

INDAY: Gunting po, sir!
______________________________

DALAGA: Ano’ng tinitingnan-tingnan mo d’yan?!

BINATA: Sorry. Akala ko kasi, maganda ka. Hindi pala!


Hehehe , see instant entry!!!! ASTIGGGGG

HOSTAGE!!!

Lumiliyab ang twitter kahapon. Akala ko ay si Charice Pempengco na naman ang hot trending topic (today, Venus Raj ay pangalawa sa hot trending topic), baka nagpa botox uli ng mukha, lol ngunit hindi pala.

Alas syete ng umaga pa raw nang magsimula ang hostage taking na ito. Sa mismong Quirino Grandstand, isang tourist bus lulang ng ilang mga Chinese visitors ang hinostage ng isang ex-police na si Rolando Mendoza. Hindi ko nasimulan ang mga eksena, Pero kinagabihan, isang feed ang aking nabasa sa twitter na nag-ugat na sa napakaraming post ukol sa nangyayaring hostage taking. Pagkabukas ng telebisyon, bidang bida ang bus na ito habang ang background ay ang voice over ng newscaster.

Matindi daw ang tensyon sa lugar na pinangyayarihan. Hindi makalapit ang mga pulis sa pag-aakalang idadamay ng hostage taker ang mga sibilyan sa loob. Ilang oras pa ang lumipas, isang sibilyan ang tinamaan ng ligaw na bala. Napilitan ang lahat ng umatras at tumungo sa isang ligtas na lugar. Ilang oras pa ang lumipas ng makatakas ang Pinoy na drayber ng bus at isinisigaw na "patay na ang lahat ng tao sa loob". Kumilos ang mga awtoridad upang pasukin ang tensyonadong bus. Para-paraan kung paraan na lang, makapasok lang. Sa ilang ulit na trial and error, naisip na rin nila na bombahin ng tear gas sa loob, nang masulasok ang hostage taker at lumabas. Ilang minuto pa, lumitaw ang katawan ng isang lalaking nakauniporme nang pulis sa basag na main door ng bus. Nakumpirma na tinamaan ng isang sniper at eto na nga si Rolando Mendoza.

Sa labing limang lulan ng Chinese bus, anim ang survivor. Hindi na masama, lol. Anong hindi na masama? May namatay pa rin. Ang ilan ay may gilit sa leeg, ang iba ay ginamit pang human shield ni Mendoza. At ano nga ang naging plano ng ating mga kapulisan sa malagim na insidente na ito? Ang tanong pala ay nagplano nga ba sila

Hayun at iyon naman pala ang konkretong plano nila, magtago sa likod. Hindi ko rin naman masisi ng husto ang ating mga magigiting na kapulisan at kung ako rin naman ang nasa lagay nila ay magpapakasigurado ako sa aking sarili. Baka nga naman ako tamaan ni Mendoza! Nakita ko pang minsan nang hindi nila madistrongka ang main door ay gumamit ng tali. At ang matindi ay pinabatak pa ito sa mobile nila. Ehem, naimbento na po ang kadena. Mas matibay. May SWAT daw na rumisponde...Sugod Wait Atras Tago=SWAT! lol. Joke lang po sa ating mga kapulisan.

Punta tayo sa napakaraming media na nagpupumilit makakuha ng scoop para sa network o company na kanilang pinagtatrabahuan. May tanong ako, dapat ba talagang ikinocover ang mga ganung taktika ng SWAT sa isang maselan at mapanganib na hostage taking na iyon? Di ba, malawak na ang teknolohiya, isang text lang kay Mendoza ay alam na nito ang ginagawa o mga balak gawin ng pulisya sa labas. Hindi ba parang sumobra ng media? Parte pa ba ito ng press freedom?

Sa pulisya, job well done? aurgh! ilang oras? Mahigit 12 oras na tensyon. Ilan ang namatay? Ilan ang taong humuhostage? Ilan ang pulis na nakadapa sa labas? Ano na ang nangyayari sa training daw ng ating kapulisan kasama ang mga sundalo ng Amerika? Kung saan-saan kasi nagpupupunta, hindi umaatend ng training... Hindi ako tutol sa SOP na kanilang isinagawa, dahil isinaalang alang lamang nila ang lagay ng sitwasyon at mga maaaring mangyari at madamay sa isang maling galaw lamang. Nagkulang siguro sa tamang diskarte.

Magiging malaki ang epekto ng nangyaring ito sa imahe ng ating bansa sa pandaigdigang kalakaran, lalo sa industriya ng turismo. Ano ang plano ng ating presidente ukol dito? Sa mga bikitima, ano ang konkreto nilang hakbang upang mapangalagaan at matiyak na maibibigay ang kanilang mga pangangailang medikal at counselling habang nagpapagaling sa ating bansa? At ang matindi, ano ang napulot na mga aral pagkatapos ng isang malagim na insidente, sa kanilang mga kapwa pulis.

At, syempre sa lahat ng mga tensyonadong pangyayari, hindi nawawala ang nakatutuwang mga eksena. Aba, nagugutom din naman kahit ang hostage taker, kelangan din naman nyang magpadeliver ng pagkain. Libreng pluging ah. Lol





**************
CONGRATULATIONS!!
Kay Venus Raj sa pagsali sa TOP 5 ng Miss Universe 2010!

Naibalik ang magandang imahe ng ating bansa
Literal ang kagandahan :)

CHILDHOOD STAGE

Habang ako ay nagbobrowse ng aking mga files kanina, eh meron isang file dun ang talaga namang umagaw ng aking atensyon. Medyo syempre nung nakita ko yun natawa at talagang tinitigan ko sya ng matagal.


Nangingig ang aking laman noong makita ko ito, ito ang pagkakyut kyut na piktyur ko nung bata. DYARAN…..


Noong mga panahon na yan bungal ako dahil mahilig akong kumain noon ng TIRA-TIRA at MIKMIK.Maitim din at puro kuto pa ako, dahil gusto kong magbabad sa araw.
At medyo dahil sa pagmumukha na yan sari-saring mga panlalait ang inabot ko sa mga tao. Isa na dyan ang kumare ng nanay ko.

Kumare ng Nanay ko: Anak mo ba ito?Bat parang kakaiba sa mga kapatid nya?Ahhh mare kaya nyo pala itinigil ang pag-aanak ni pare kasi panget na ang susunod!hahahaha

Yan ang sabi ng kumare ng nanay kong mukhang mangkukulam, parang sinabi nyang dahil panget na “genes” ng nanay eh kailangan na nilang tumigil sa pag-aanak ( Noong mga panahon na yun gusto ko sanang salaksalin ng sandok ang ngala-ngala nya!).

Isa pa, ito naman ang sabi ng kaibigan ng kuya ko:

Kaibigan ni Kuya: Bro, kung ano ang ikina-gwapo mo eh sya namang ikinapanget ng kapatid mo! Whahahah

Iyan naman ang sinabi ng kaibigan ng kuya kong kamukha ni BABALU. (eh kung sunugin ko kaya ang baba nya at gawin kong barbeque!)

Heto pa kamo, hindi rin ako nakalusot sa nagbabagang dila ng mga kaklase ko

Kaklase ko: Alam mo sa inyong magkakapatid, ikaw ang PINAKALATAK (sa ingles impurity)
Kamusta naman yun? Wow !dumadagundong sa tenga! Sarap tampyasin ang mga dila at ipakain sa buwaya!

Basta marami pa yan, at ikukuwento ko sa inyo sa mga susunod na araw. Kaya tuloy lumaki akong mahiyain (daw), at dala na rin siguro ng mga panlalait na yan, kaya heto hukot ako!(dahil lagi akong nakayuko). Kulang sa kumpansya sa sarili, at pakiramdam ay laging pinagtatawanan ng mga tao. Basta ang laki ng naging epekto ng mga panlalait na yan sa aking makulay na”childhood”.Kaya ano ang aking panlaban………....tenen………… magyabang!!!

Okay buti na lang at medyo lumaki, tumangkad at ……………….bumait (sige pwede na rin yung gumwapo). Yun nga lang kahit na puri-purihin ako, hindi ko pa rin maramdaman! Dahil talaga malaki ang naging epekto nito sa aking buhay sa ngayon.

Kaya minsan kahit pinipilit na nila akong mag-artista, ayaw ko talaga!(hahahha!).Minsan naman halos kaladkarin na nila akong sumali sa Ginoong Nabua,ayaw ko pa rin! (KAPALPEYS!!) Ayaw ko, kasi nga pakiramdam ko may sisigaw sa mga manonood ng “Bakit sumali yan, eh kay panget panget naman nyan!!”. Eh baka hindi ako makapagpigil eh hagisan ko ng dinamita ang bunganga nya!Hehhehe

Oo nga pala, alam nyo ba na ayon sa pag-aaral ng mga sikolohista (psychologist) na pinakamahalaga sa buhay ng tao ay ang kanyang “childhood stage” (edad 1-12). Dahil dito nanggagaling kung anong ugali meron tayo sa ating pagtanda. Malaki ang epekto ng ating pagkabata sa buhay natin ngayon. Kaya tingnan nyo yung mga inaabusong kabataan, lumalaki din tuloy silang nanakit din. Ang mga batang spoiled brat sila naman yung nagiging mga mainipin at magagalitin.
At natatandaan nyo pa ba ang Marshmallow Test?( ngayon kung hindi pa,pakisearch na lang!)Basta ganito yung resulta, ang mga batang sumunod sa instruction na wag kainin ang marshmallow agad ay sila yung mas naging matagumpay sa buhay noong lumaki na sila kaysa sa mga batang kinain agad yung marshmallow at hindi sumunod sa instruction. Ganun yun!

Kaya mahalaga talaga ang childhood stage dahil ito ang magsasabi kung anong klaseng tao tayo ngayon. Kaya tandaan natin mahalaga ang pagkabata, at sa anak o magiging anak natin, ingatan natin ang kanilang pagkabata at kamusmusan. Dahil ito ang pinakakritikal na estado ng buhay ng isang tao. NAKS MEGANUN!. Sabi ko sa inyo may mapupulot rin kayong aral sa blog ko!hahahah

P.S

Sa tuwing pinapakita ko yung piktyur ko na yan nung bata pa ako, walang naniniwala na AKO yun (akala kasi nila si Rene Requiestas yun nung bata, sumalangit nawa ang kaluluwa nya). Walang kabakas bakas na ganun daw ang hitsura ko noon dahil ngayon ang kamukha ko daw ay si Piolo Pascual (after the accident and head injury)hahahha!

OI Punk

PUNK ZAPPA
Oi, I’m Punk Zappa and my hobbies are lis’ning the radio, reading the song hits, and eating b-bloody fish balls

After ma-high sa nakaka-hypnotize na “Minsan”, nakarinig ako ng isang paksyet na boses.. Mga ten seconds lang naman pero parang bigla akong naasar. Pinindot ang rewind button ng aming karaoke machine sabay tingin sa cassette sleeve ng "CiRcuS" (oo, medyo sinaunang jeJEm0n ang pagkalayout ng title ng album cover). Punk pala ha. Eh obvious naman na word play lang ito sa pangalan ni Frank Zappa. Hmmm, pareho pa kami ng hobbies ah. Humilata nalang ako ulit at itinuloy ang pakikinig sa malufet na second album ng Eraserheads….



NO ROYALTY FILLER NO.9
Oi, I’m Punk Zappa and my hobbies are lis’ning the radio, reading the song hits, and eating b-bloody fish balls

A-ha! Bibili ako ng tapes ng Nirvana, Pearl Jam, Sepultura, Alice In Chains, Soundgarden, Rage Against The Machine, Panteyra. Tsaka yung The Red Hot Chili Peppers band. Tsaka lahat ng klase ng grunge, tsaka lahat ng death metal, ok? Tapos, i-mememorize ko yung lyrics kahit chorus lang, ok?

Tapos, magpapakalbo. Magpapa-mohawk. Magpa-longhair kaya ako?

Tapos, magpapa-tattoo ako. Dapat yung nakakatakot. Ah dragon pare. Tapos, yung dragon nakatusok sa stick. Tapos, yung stick nakatusok sa ulo ni Charles Manson, Jr. Cool yun ‘di ba?

Tapos, dapat meron akong boots. O kaya lumang Konbers para sa slam dancing. Tapos, oi! Bibili ako ng Nirvana t-shirt. Hindi yung yellow ha! ‘Yung red!

Tapos, magpapahikaw ako. Tapos, ‘di pwede na akong makitribu sa mga kamukha ko. Oi! Tapos, pwede na kaming tumambay sa Club Dredd. Sa labas lang ha.

Tapos, ‘pag Linggo, pupunta kaming lahat sa, sa Megamol. Tapos, aabangan namin yang mga hifhaf na yan. Tapos, pag-uumpugin ko yang mga kinginingining breakdancer at mga “Yo!” na ‘yan eh. Tapos, bubugbugin namin sila. Tapos, kukunin namin yung mga DM’s nila.

Ok ba yun? Oi!
Amen!? Gusto nyo?
Amen!
Tiyak yon!
Amen!

Napapa-headbang na ako sa "Insomya", napapa-tee-dee-dee-dee sa "With A Smile", at naaaliw na sa kakaibang tunog ng "Alkohol", "Wishing Well", at "Kailan" kumpara sa mga kanta sa Ultraelectromagneticpop nang pumasok nanaman sa eksena itong si Punk Zappa. Ang kulet-kulet niya! Akala ko ten seconds lang kaya jumingle muna ako pero pagbalik ko ay nagsasalita pa rin siya. Napatakbo tuloy ako at kinuha ulit ang album sleeve. Another album filler na nagmumukhang interesante. Konting rewind, then press play. Idinikit ko na 'yung kaliwang bingi kong tenga sa speakers para maintindihan na 'yung sinasabi niya.

Hmmm...mukhang magkakasundo kami nitong si PZ dahil pareho kami ng mga peyborit bands. Kahit na 'yung iba nga lang na kanta nila ay chorus lang din ang alam ko! Naging member ako ng "chorus boys" noh! Wala akong hikaw dahil binalaan na ako ni ermats na tatanggalin niya ito kasama ang tenga ko noong mahimasmasan siya sa pagkakahimatay nang makita niya ang mumunting astig na tatoo ko sa kanan kong balikat. Mga five millimeter lang naman ang liit! Inggit kasi ako sa mga kabanda kong sila Lakjo, Jay D., Bogs, at jay V. kapag pinapakita na nila ang mga pang-preso nilang mga skin art.

Oi, pareho rin yata kami ng get-up ni PZ. Meron akong Nirvana t-shirt pero yellow. Nakabili rin ako ng Chakte at boots na imitation dahil 'yun ang uso sa mga konsiyerto. Sayang at 'di kami nagkita habang tumatambay sa labas ng Club Dredd. Okay na sa labas kasi maririnig mo naman 'yung tumutugtog sa loob.

Galit din kami sa mga paksyet na hiphoppers na tumatambay sa Skating Rink ng Gamol. Riot kapg nagku-krus ang aming mga landas!


PROF. BANLAOI’S TRANSCENDENTAL MEDICATION AFTER EVERY SIX MONTHS (PUNK ZAPPA THREE)
Oi, I’m Punk Zappa and my hobbies are lis’ning the radio, reading the song hits, and eating b-bloody fish balls

Tapos manonood kami ng underground concerts. Kahit hindi underground basta maingay at tsaka grunge. Tapos hindi ako magdadrugs dapat walang amats ‘di ba? Tapos titinggilin ko yung t-shirt ko para makita nila yung tattoo ko at tsaka yung hikaw ko. Tapos maghe-headbang ako at tsaka syempre magbabackstage step ako. Sana wala dun si Dennis. Ay hinde aakyat na lang ako ng flagpol tapos dun ako tatalon syempre sasaluhin ako ni Kart. Ginawa yun ni Eydi Beyder ‘di ba? Tapos ‘pag neygatib yung vakalist papatayin ko siya para may makwento ako kay lola.

Shet! Na kay lola pa yung tape ko ng Panteyra. Hi lola. Tapos ‘pag pagod na ‘kong mag-headbang magslam dance pa rin ako sa gitna ng slam pit. Tapos magyoyosi ako. Tapos syempre dapat peace lang tol ‘do ba? Dapat hindi ako mapraneng mapraneng mapraneng.

Tapos ‘pag tapos na yung concert syempre uwi na ‘ko. Ta’s ‘pag nasa bahay na ‘ko manonood na ‘ko ng House of Noise Channel B! Wow idol yun pare hi-tech sampung oras puro noise!

Tapos magaaral akong mag-gitara! Tapos bibili ako ng kobrayderintergalacticmotionsettertechnogadget! Tapos bubuuin ko na yung The Armpit Band.

Tapos gagawa kami ng original composition gan’to. Dyen-dyen-den-dyen dyereren-dyen-dyen. Tapos double time dyen! Tapos lead. Tapos ipapadala namin sa radyo yun, yung demo. Tapos tapos syempre magna-number three na kami sa countdown. Tapos bebenta ko yung original composition ng five thousand peysos para sa compilation name DIGISKASBARJIBABARANDASPOPOROJI, kilala nyo siya? Tapos syempre magnanumber one na kame. Tapos ‘di bale irerelease na kame sa major label.

Tapos magtutour na kame hrreyg sa buong Pilipinas sa buong Pilipina. Tapos syempre kukunin na kami sa mga commercials, ganon. Tapos ‘pag dumating na yung mga royalties tsaka ‘pag madaeng madaeme na ‘kong pera tapos bibili ako nang tig-tu-two na kotse. Tapos tsaka syempre ‘di bibili na ‘ko ng mga susunod pang album ng Nirvana.

Shet! Trapik na naman sa EDSA! Ah bili na lang kaya ako ng bag sa jumaliteyk mukhang mas jupengpeng yung yellowgreen. Red na brownies rasta ngarod manong! Pak padreadlocks na lang kaya ako? Mag-manage kaya ako ng banda? Magtayo ng studio? Haaah

Amen?
Amen!
Gusto nyo?
Amen!
Tiyak yan!
Amen!


'Di pa pala end ang career ni PZ pagkatapos kong mapakinggan ang "Sa Wakas" sa Side B. Meron pa palang pahabol bago ang hidden track na piano version ng "Kailan".

Akala niya siguro siya lang ang may kaya sa ginawa ni Eddi Vedder sa music video ng "Alive". Kaya ko rin 'yun gawin sa moshpit na punung-puno ng mga bollocks. Hindi ako nasusuntok kasi peace lang kaming mga slammers. Ang sarap pagkuwentuhan ng mga natapos na gigs kapag mabote at may hithit na yosi.

Dahil sa mga videos ng napapanood kong banda sa MTV Headbanger's Ball ay nagtayo rin kami ng sariling banda. Nangarap na marinig sa radyo. Nagawa namin 'yun sa WEB 99.9's "In the Raw" pero hindi kami sumikat. Nakatugtog ang Demo from Mars sa iba't ibang underground scene pero hanggang Bicol lang. Wala man lang bumili ng kanta namin kahit na one thousand pesoses o libreng inom at kain para sa isang compilation appearance. Siguro dahil talagang traffic lang sa EDSA kaya 'di kami nabigyan ng break. Hanggang ngayon ay pangarap ko nalang ang magkaroon ng sariling recording studio slash company.


Para sa akin ay ang second album ng Eheads ang pinakamalufet at kung bibigyan ako ng pagkakataon na gawaan ito ng tribute album ay bibigyan ko rin ng importansya si Punk Zappa. Siya lang naman kasi ang nagsisilbing time capsule noong panahon na lumabas ang "Circus". Kapag papakinggan mo ngayon ito ay bigla mong maaalala ang time ng mga posero, ang hiphop versus metal, panahon ng gitara, MTV, at siyempre ang trapik sa kalsada!

Amen?
Amen!
Gusto nyo?
Amen!Tiyak yan!
Amen!